Mes: septiembre 2016

En setembro renovaron a súa certificación a Lonxa de Portonovo (peixes, bivalvos, cefalópodos e equinodermos); a Lonxa de Barallobre (bivalvos e ampliación a equinodermos); Mariscos Malliño, como distribuidor de bivalvos; Mariscos de Campelo, que renovou a certificación de bivalvos e ampliou a cefalópodos e equinodermos; Europesca Gallega, que se recertificou para cefalópodos e ampliou a bivalvos e crustáceos; Demarsusa e José María Daporta e Hijos, que renovaron ambas a súa certificación para moluscos bivalvos. Consulta aquí os grupos de especies para os que están certificados os usuarios da marca.

Poñemos en marcha un novo sorteo a través da nosa páxina de Facebook, entre o 3 e o 31 de de outubro. Sortearemos tres kits compostos por bolsa da compra, mandil, camiseta, manopla de cociña, libreta e bolígrafo.

Nesta ocasión queremos saber cal é o teu peixe favorito. Para participar só tes que entrar no post do sorteo publicado no Facebook, premer “Gústame” e dicirnos cal é o peixe que máis che gusta comer. Tamén nos podes contar cal é o peixe que prefires cociñar… Así de sinxelo!

A receita deste mes está protagonizada por un cefalópodo moi saboroso: a xiba. Ofrecémosvos unha receita de xiba á mugardesa, de Juan Carlos Alonso, autor do blog www.gastronomiaenverso.es, que nos explica paso a paso como elaborar este saboroso guiso mariñeiro. Preme aquí para ver a receita completa.

Se queres que publiquemos a túa receita, envíanola por correo-e, indicando ingredientes, elaboración e unha foto.