Just another WordPress site
O servizo de xestión da marca pescadeRías foi recentemente adxudicado á empresa Ardora Formación y Servicios, S. Coop. Galega. Nas vindeiras semanas, o persoal técnico de Ardora irá contactando coas entidades usuarias da marca. Os novos datos de contacto son:
Ana Pérez. Tel. 655 58 63 02 Rita Pesqueira. Tel. 678 79 60 10 Correo-e: pescaderiasdeondesenon.cmrm@xunta.es
Estivemos no Salón de Gourmets do 4 ao 8 de abril, con grande afluencia de público nas actividades divulgativas da marca. Os produtos das entidades certificadas por pescadeRías foron protagonistas das degustacións guiadas polos cociñeiros Héctor López, José Manuel Mallón (na imaxe), Iván Domínguez e Emma Pinal.
Tamén contamos co bo facer do alumnado e profesorado do CIFP Carlos Oroza, que presentaron o seu proxecto de posta en valor da lapa, realizado en colaboración coa Confraría San Xosé de Cangas e Tastelab. Estiveron presentes no stand institucional as conserveiras certificadas La Brújula, Portomuíños, Conserveira Gallega, e visitáronnos Porto de Cambados e Los Peperetes.
Parabéns a todos!!
Resolución do 28 de marzo de 2016, da Secretaría Xeral de Pesca, pola que se publica o listado de denominacións comerciais de especies pesqueiras e de acuicultura admitidas en España. (BOE nº 84, de 7/IV/16)
Preme aquí.
Aqueles usuarios que deban renovar a certificación este ano e queiran ampliar os grupos taxonómicos para os que están certificados, poden facelo sen custe económico adicional, facendo coincidir a renovación coa certificación. Para máis información, contactade co noso equipo técnico.
En abril realizamos actividades de formación e información a distintos colectivos. Nesta ocasión destacamos as charlas informativas sobre a marca e os productos certificados ao equipo comercial especializado en visitas a clientes de hostalería de Makro, en A Coruña e Madrid.
Quedamos á vosa disposición para organizar sesión informativas dirixidas a distintos grupos de interese noutras localidades. Podedes consultarnos en pescaderiasdeondesenon.cmrm@xunta.es
¿Traballas nunha entidade usuaria da marca? ¿Compras produtos certificados na túa peixería de confianza? Se é así, mándanos a túa foto e subirémola ás nosas redes sociais. Cada mes sortearemos un pack de produtos promocionais entre todas as fotos recibidas nas que se distinga o logo pescadeRías. Podes mandala por correo-e: pescaderíasdeondesenon.cmrm@xunta.es ou por whatsapp ao 655 58 63 02.
Os usuarios da marca que necesiten material promocional (cartelería, folletos, etc.) poden solicitalo gratuitamente por correo electrónico.
O suplemento Terra de La Voz de Galicia dedicou as súas páxinas a unha completa reportaxe sobre pescadeRías: información sobre as lonxas e empresas certificadas, produtos estrela da marca, evolución das vendas, o proceso de obtención do selo de calidade, a percepción das vantaxes do seu uso…
Quen non tivera ocasión de lela, ten aquí outra oportunidade.