O 21 de outubro, a marca pescadeRías, ¿de onde se non? participou no showcooking de Exaltación dos produtos do mar da Lonxa de Ribeira, organizado polo Obradoiro de emprego «O Pote» do Concello de Ribeira.
Nas instalacións da Lonxa de Ribeira e dirixidos polo profesor de cociña Patxi Movilla, o alumnado do obradoiro preparou dúas elaboracións doces e cinco salgadas a base de xarda, xurelo, lirio, ameixa babosa e polbo. No evento participaron tamén representantes do Concello, da Lonxa de Ribeira, do sector empresarial e da restauración da zona, o que serviu de punto de encontro entre os futuros profesionais da cociña e o sector hostaleiro. Ademais as persoas asistentes puideron coñecer a marca pescadeRías, ¿de onde se non?, particularidades dos produtos que se degustaron, así como aspectos ligados ao consumo responsable, trazabilidade e etiquetado dos produtos certificados.
Na seguinte ligazón podes atopar as receitas dos pratos presentados no showcooking.