Agosto galego

O día 7 de agosto terá lugar a XV Festa do longueirón en Fisterra. Organizarase unha visita ao Museo da Pesca ubicado no Castelo de San Carlos, na que se darán a coñecer os oficios do mar. Ademais, realizarase unha actividade de identificación de moluscos na que aprenderemos a diferenciar entre o longueirón e outros bivalvos solénidos. O broche de ouro, degustación a cargo de Manel Oliveira, da Tapería Castelao de Santiago de Compostela, que nos dará as pautas para preparar as mellores receitas con este manxar.

Descarga aquí o cartel con toda a información.

As lonxas de Vilaboa e Arcade superaron con éxito a auditoría para a renovación da certificación da marca pescadeRías, de onde se non?

Recordamos ás empresas usuarias que cada cinco anos deben solicitar a renovación da certificación, e que serán sometidas a unha auditoría externa. A renovación da certificación non ten custo económico para os usuarios, que ademáis poden solicitar ampliación dos grupos taxonómicos sen cargo sempre que fagan coincidir ambos procesos -renovación e ampliación-.

Xa estamos quentando motores para a edición 2016 dunha das feiras máis importantes para o sector pesqueiro: Conxemar 2016 celebrarase do 4 ao 6 de outubro no Instituto Feiral de Vigo-IFEVI. Este ano a 5ª edición do Congreso Mundial Conxemar-FAO, que se celebra o día 3, centrarase nos cefalópodos, un dos principais recursos da flota artesanal galega.

As acreditacións para a feira e a inscrición para o Congreso Mundial de Cefalópodos xa están dispoñibles na web de Conxemar.

 

Veda do choco nas Rías de Vigo e Pontevedra ata o 31 de outubro.

Resolución Ría de Vigo aquí.

Resolución Ría de Pontevedra aquí.

Nova regulación de organizacións profesionais nos sectores produtivos da pesca e a acuicultura. RD. 277/2016, podes consultalo aquí.

As persoas afortunadas no sorteo do mes de xullo foron Bea González Gil, Cédar Espido e Conchi Bravo Cores, ás que lles corresponde un kit de material para a compra e cociña: bolsa da compra, libreta, bolígrafo, camiseta, mandil e manopla. Parabéns!

O día 15 publicaremos o sorteo do mes de agosto, infórmate na nosa web ou páxina de Facebook, e participa!

Guiso de sardiñas escochadas                    O verán é a mellor época para consumir peixe azul. Animámoste a poñerte diante dos fogóns e preparar esta receita sinxela e saborosa, que nos achega o GALP Ría de Pontevedra, da man  do Restaurante A Taberna de Alvariñas, de Combarro (Poio).

Preme aquí para ver a receita. Se queres que publiquemos a túa receita, envíanola por correo-e, indicando ingredientes, elaboración e unha foto.