Ocenebra erinaceus e Tritia reticulata son dúas especies de “cornetas”, gasterópodos de pequeno tamaño que son consideradas depredadoras de moluscos bivalvos polos profesionais do marisqueo e retiradas indistintamente dos bancos marisqueiros. Non obstante, os traballos científicos indican que T. reticulata unicamente se alimenta de restos de animais mortos ou moribundos e que non ten capacidade anatómica para perforar as cunchas.
José Manuel Parada, do Centro de Investigacións Mariñas, investigou o comportamento de ámbalas dúas especies, e achéganos os resultados no artigo deste mes. Podes lelo aquí.