O pasado 27 de xaneiro, o alumnado das especialidades de cociña e de redes e aparellos de pesca do Obradoiro de Emprego Tahume VIII, organizado polo Concello de Ribeira e o Concello de Porto do Son, asistiron a unha charla informativa sobre a marca pescadeRías, ¿de onde se non? realizada no mercado de Ribeira.
As persoas participantes coñeceron os produtos certificados e os oficios do mar, a importancia do etiquetado e a trazabilidade dos produtos do mar e aprenderon a diferenciar especies de moluscos bivalvos.