En 2021, as vendas de produtos do mar co selo de calidade pescadeRías acadaron preto das 14.400 toneladas o cal supuxo un incremento do 30% con respecto a 2020. As lonxas con maior volume de recurso certificado foron Ribeira (2.400 Tn), Noia (1.700 Tn), Malpica (1.480 Tn), Corcubión (1.075 Tn) e Portonovo (970 Tn). Por especies comercializadas, a produción de vieiras e ostras foi comercializada na súa totalidade baixo o selo pescadeRías, mentres que outras moitas acadaron índices de arredor do 90% do total. É o caso do berberecho (máis de 1.500 Tn), da ameixa xaponesa (máis de 1.400 Tn) ou do polbo (944 Tn), que son as especies con maior volume de vendas rexistradas.
Vendas pescadeRías 2021
