Mes: marzo 2018

A campaña de captura da vieira iniciada no mes de xaneiro nas Rías de Pontevedra e Arousa, rematou o 1 de marzo para garantir a sostibilidade do recurso. Durante o tempo que permaneceu aberta, as capturas comercializáronse nas lonxas da Confraría de Cambados e da Confraría de Bueu.
Durante todo o ano podemos atopar no mercado vieira galega conxelada, previamente depurada e eviscerada, con todas as garantías de seguridade alimentaria, certificada polo selo pescadeRías, ¿de onde se non?.

A tempada do choco comeza normalmente co inverno e dura ata ben entrada a primavera, dependendo das zonas. Podemos atopalo baixo a certificación pescadeRías, ¿de onde se non? en numerosas lonxas galegas, sendo as que máis ventas rexistran Redondela, Cambados, Campelo, Cangas, Bueu, Vilanova de Arousa, Fisterra e Rianxo.

Aquí podes ver un vídeo realizado por Bioimaxe coa colaboración do Concello de Redondela sobre o xeito de vida deste cefalópodo.

A Xunta iniciou o proceso de dixitalización das lonxas galegas previsto no Programa Primare. As primeiras que  terán á súa disposición a plataforma que integrará os sistemas de xestión, comercialización e emisión de notas de venda serán as de Arcade, Cangas, Ferrol, Fisterra, Illa de Arousa, Moaña, Portonovo, Redondela, Vigo e Vilaboa.

Máis información premendo aquí.

Sabes diferenciar o curuxo do rodaballo? Ambos son peixes planos que habitan nas nosas costas e que podemos atopar nas lonxas  galegas.

O rodaballo ten unha forma romboidal, sendo a do curuxo ovalada. Outra diferencia son os pequenos tubérculos óseos que podemos notar cando pasamos o dedo por riba do rodaballo e que non aparecen no curuxo.  Premendo aquí podes encontrar máis información.

En febreiro a empresa  HQ Seaweed, dedicada á distribución de algas e equinodermos, acadou a certificación pescadeRías, ¿de onde se non?. Así mesmo, as lonxas de A Guarda e Rianxo, a depuradora da Confraría de Noia e  Mariscos del Ortegal superaron auditorías de recertificación ou seguemento. Ampliaron o seu alcance Mariscos Veiro, Frigoríficos Moldes (algas) e as lonxas de Malpica (equinodermos) e Vilanova de Arousa (algas).

Publicada a Resolución de 26 de enero de 2018, da Secretaría General de Pesca, pola que se publica o listado de denominacións comerciais de especies pesqueiras e de acuicultura admitidas en España, no que se inclúen novas especies e se simplifican ou modifican outras.

Podes consultala premendo aquí.

En febreiro, o persoal da Lonxa de A Guarda recibiu formación en Hixiene Alimentaria e Manipulación de Alimentos.

A entidade renovou este mes a súa certificación polo selo pescadeRías, ¿de onde se non? para a comercialización de cefalópodos, crustáceos, equinodermos, especies eurihalinas e peixe.

 

Seguimos en tempada de lamprea, peixe de singular textura e sabor, moi recomendable para quen lle gusten os sabores distintos.  O chef José Manuel Mallón fainos esta fantástica proposta para degustala, na que se prepara fritida e acompañada de pan de Cea e tomate aromatizado. Para ver a receita preme aquí.