Este mes a especie protagonista do noso boletín é a acedía (Dicologlossa cuneata), un peixe bentónico moi común no litoral galego.
O seu corpo é plano, xa que está comprimido lateralmente, de xeito que ten os dous ollos no lado dereito. Por esa cara é de cor castaña amarelada, e pola outra, a que está en contacto co sustrato, de cor branca. Ten uns pequenos puntos escuros na pel da cara dorsal. É unha especie de pequeño tamaño; os exemplares adultos adoitan medir entre 15 e 21 cm de lonxitude, aínda que poden chegar a 30 cm.
Para ver a ficha da especie, preme aquí.
