Just another WordPress site
Este mes no deberíamos perder la oportunidad de incluir la caballa en nuestros menús. Además de estar en su mejor momento de consumo y de su elevado valor nutricional, su precio es muy asequible por estar en plena temporada.
Anxo Trives, del Hostal Restaurante La Viuda en A Pobra de Trives, integrante del grupo Cociña Ourense, grupo representativo de los cocineros de esta provincia, nos muestra cómo prepararla con pasta en una receta que puedes encontrar pinchando aquí.
La Consellería do Mar, a través de la marca pescadeRías ¿de onde se non? de la Xunta de Galicia, está elaborando un inventario sobre patrimonio marítimo pesquero material e inmaterial con el objetivo de poner en valor la cultura marinera.
El inventario contendrá, entre otros, refranes, leyendas, dichos, poemas y canciones, costumbres y supersticiones, toponimia costera, lenguaje marinero, vídeos y fotografías, que se publicarán en la página web y redes sociales de la marca pescadeRías ¿de onde se non?.
Nos gustaría contar con vuestra colaboración en la recopilación de información para dar a conocer y poner en valor la pesca artesanal gallega así como contar con testimonios de personas en activo o retirados que relaten la evolución de los oficios del mar y las artes de pesca a lo largo del tiempo. Si quieres participar en la elaboración del inventario, puedes hacerlo a través del correo electrónico pescaderiasdeondesenon.cmrm@xunta.gal o del número de teléfono 656885508. Para más información pincha aquí. Agradecemos vuestro esfuerzo y vuestra colaboración. ¡Anímate a participar!
Foto: Archivo histórico Asociación Cultural A Cepa Cangas.
A Consellería do Mar, a través da marca pescadeRías ¿de onde se non? da Xunta de Galicia, está a elaborar un inventario sobre patrimonio marítimo pesqueiro material e inmaterial co obxectivo de poñer en valor a cultura mariñeira.
O inventario conterá, entre outros, refráns, lendas, ditos, poemas e cantigas, costumes e supersticións, toponimia costeira, fala mariñeira, vídeos e fotografías, que se publicarán na páxina web e redes sociais da marca pescadeRías ¿de onde se non?.
Gustaríanos contar coa vosa colaboración na recompilación de información para dar a coñecer e poñer en valor a pesca artesanal galega así como contar con testemuñas de persoas en activo ou retirados que relaten a evolución dos oficios do mar e as artes e aparellos de pesca ao longo do tempo. Se queres participar na elaboración do inventario, podes facelo a través do correo electrónico pescaderiasdeondesenon.cmrm@xunta.gal ou do número de teléfono 656885508. Para máis información preme aquí. Agradecemos o voso esforzo e a vosa colaboración. Anímate a participar!
Foto: Arquivo histórico Asociación Cultural A Cepa Cangas.
O 30 de abril comezou a veda do polbo en Galicia, que durará ata o vindeiro 5 de xullo. Así aparece recollido no plan experimental para a xestión deste cefalópodo para a campaña 2021/2022.
Tamén en abril, rematou a tempada para a captura de ourizo nas nosas costas.
Por outra banda, conforme se recolle na RESOLUCIÓN do 24 de marzo de 2021 pola que se autoriza o Plan de pesca de anguía para as confrarías de pescadores da ría de Ferrol para a tempada 2021, en abril comezou a pesca desta especie eurihalina, que poderá ser capturada ata o 31 de outubro.
Continuamos co programa formativo en centros de Hostalaría / Industrias Alimentarias de Galicia dando a coñecer ao alumnado a marca pescadeRías, ¿de onde se non?.
Durante o mes de abril, foron impartidas charlas no I.E.S. Fraga do Eume (Pontedeume), o C.I.F.P. Politécnico de Lugo, o I.E.S Sanxillao (Lugo), o I.E.S de Vilamarín, a Fundación Belarmino Fernández Iglesias (Sober) e o Obradoiro de Emprego Vigo Capacita VI.
Moitas grazas a todos/as pola vosa participación!
A xarda (Scomber scombrus) é un peixe azul que contén numerosos minerais esenciais, é rico en vitaminas, especialmente B12 e D, e ten un alto contido en ácidos graxos omega 3, tan importantes para reducir o colesterol e os triglicédidos, mellorar a función cardíaca e a presión arterial e reparar o sistema inmune, entre outros beneficios.
Na primavera achégase ás nosas costas, onde se captura principalmente coa arte do cerco. Se queres saber máis, preme aquí para acceder a unha ficha sobre esta especie, con ampla presenza nos nosos mercados por estar en plena tempada.
A Consellería do Mar pon a disposición das confrarías de pescadores e entidades do sector marisqueiro, unha guía para facilitar o seu labor na redacción e avaliación dos plans de xestión, tanto xerais como de recursos específicos. A súa elaboración responde aos cambios introducidos polo Decreto polo que se regula o réxime de conservación e explotación dos recursos marisqueiros e das algas no que se refire á confección dos plans de xestión así como ao establecemento de obxectivos biolóxicos, ecolóxicos e socioeconómicos a tres anos. É unha ferramenta para a mellora da implementación dos obxectivos no marco dos plans de xestión e está acompañada dun plan de formación personalizado e de carácter práctico.
O pasado mes tivo lugar a gala de entrega de Soles Repsol 2021, recoñecemento concedido aos mellores restaurantes e cociñeiros/as como símbolo de excelencia culinaria.
Destes, 11 están adheridos ao selo pescadeRías, ¿de onde se non?: con dous soles os restaurantes A Tafona, España, Maruja Limón, Pepe Vieira, Retiro da Costiña e As Garzas, que acadou o seu segundo sol nesta edición. Con un sol o restaurante A Gabeira e 4 novas incorporacións, os restaurantes Auga e Sal, O Balado, O Camiño do Inglés e Miguel González.
Parabéns a todos!
As algas ou verduras do mar son fonte importante de nutrientes, vitaminas e proteínas que aportan grandes beneficios para a saúde consumidas en pequenas cantidades. Ademais, na cociña son moi versátiles, debido a súa textura e sabor.
Se aínda non as probaches, este mes facémosche dúas recomendacións: A correa ou espaguete de mar (Himanthalia elongata) sorprende polo seu sabor sutilmente mariño cun toque fresco e a súa textura carnosa e crocante. Por outra banda, a textura suave, carnosa e crocante, apta para facer en tempura do ramallo de mar ou alga percebe (Codium spp.), así como o seu intenso sabor, que recorda ao percebe, será todo un descubrimento.
A Fundación Biodiversidad convoca axudas dirixidas a persoas físicas ou xurídicas con ou sen ánimo de lucro que actúen como empregadoras, que realizaran contratos a tempo completo por un período mínimo de 6 meses, antes do 31 de marzo de 2021, vinculados á economía verde ou azul ou que contribúan a unha liña de negocio sostible ou á xestión dunha mellora ambiental na entidade.
O prazo de presentación remata o 30 de setembro. Para máis información preme aquí.
