No mes de maio abriu a campaña da zamburiña (Mimachlamys varia) na Ría de Ferrol, o ameixón (Callista chione), na Ría de Muros e Noia, e os anemones (Anemonia viridis).
Durante este mes capturáronse dúas toneladas de zamburiña, que se comercializaron nas lonxas das Confrarías de Ferrol e Barallobre. O volume de ameixón extraído foi perto de 10 toneladas, e o 98% da primeira venda fíxose na lonxa da Confraría de Muros. De anemones capturáronse 518 quilos e a primeira venda canalizouse a través da lonxa da Confraría de Barallobre.