Aperturas y cierres de campaña

Publicado el por purificacion.alfonso@ardoraformacion.com

Finaliza la campaña de pesca con el arte del boliche y comienza la extracción de la volandeira (Aequipecten opercularis).

El 31 de octubre se cerró la campaña del boliche, un arte de pesca que tiene como principal especie objetivo el calamar (Loligo vulgaris).

Por su parte, el 2 de noviembre comienza la campaña de la volandeira, que está previsto que se prolongue hasta abril.

La nueva temporada de la volandeira llega tras una campaña histórica: cerca de 424 toneladas descargadas y más de 1,8 millones de euros de facturación, cifras récord para esta especie. La lonja de Tragove, en Cambados, fue la gran protagonista, al concentrar el 75 % de las ventas totales de volandeira durante la pasada campaña.

Aperturas e peches de campaña

Publicado el por purificacion.alfonso@ardoraformacion.com

Remata a campaña de pesca coa arte do boliche e comeza a extracción da volandeira (Aequipecten opercularis).

O 31 de outubro pechou a campaña do boliche, unha arte de pesca que ten na lura (Loligo vulgaris) a súa principal especie obxectivo.

Pola súa parte, o 2 de novembro comeza a campaña da volandeira, que está previsto que se prolongue ata abril.

A nova tempada da volandeira chega tras unha campaña histórica: preto de 424 toneladas descargadas e máis de 1,8 millóns de euros de facturación, cifras récord para esta especie. A lonxa de Tragove, en Cambados, foi a gran protagonista, ao concentrar o 75% das vendas totais de volandeira durante a pasada campaña.

Aperturas e peches de campaña

Publicado el por purificacion.alfonso@ardoraformacion.com

O pasado 30 de abril rematou a campaña do ourizo na confrarías con plan de xestión ou integradas en plans conxuntos.

Durante a campaña capturáronse 434 Tm desta especie. A Confraría de Carreira e Aguiño, co 10,48% do volume comercializado, liderou a primeira venda. A continuación, entre o 8-9% do volume de primeira venda sitúanse as lonxas de Lira, Baiona e Malpica.

Pola súa banda, o polbo iniciou o seu período de paro biolóxico, que se estenderá ata o 1 de xullo, para favorecer a explotación responsable da especie.

En paralelo, prevese a apertura da campaña da zamburiña na ría de Ferrol durante a primeira quincena de maio, condicionada aos resultados das análises de toxicidade.

Peche de campañas

Publicado el por purificacion.alfonso@ardoraformacion.com

O pasado 5 de xaneiro pechouse a campaña da lagosta (Palinurus elephas), a nécora (Necora puber) e o santiaguiño (Scyllarus arctus), tres especies emblemáticas que volverán progresivamente aos mercados ao longo do ano: a lagosta o 1 de abril, a nécora o 1 de xullo e o santiaguiño o 1 de outubro.

Durante a campaña da nécora comercializáronse 81 toneladas, cun valor próximo aos dous millóns de euros. As lonxas de Vigo, A Coruña, Ribeira, O Grove e Cangas concentraron o 65% do volume de primeira venda.

No caso do santiaguiño, nos seus tres meses de campaña capturáronse 850 quilos, cunha facturación de 105.000 euros. O prezo medio en lonxa foi de 123 euros por quilo, acadando máximos de 280 euros.

Aperturas de campaña

Publicado el por purificacion.alfonso@ardoraformacion.com

O 3 de novembro comezou a campaña do bou de vara na Ría de Arousa, e do bou de man ou rapeta nas Rías de Arousa, Pontevedra e Vigo. Por tanto, volve a volandeira (Aequipecten opercularis) aos mercados. O período de capturas remata o 31 de marzo.

A campaña da centola (Maja brachydactyla) comeza o 10 de novembro nas zonas A e B, desde a desembocadura do Miño ata Estaca de Bares. O 1 de decembro abrirá a zona C, de Estaca de Bares ao Río Eo.

A campaña do boi (Cancer pagurus) comezou o 3 de novembro na zona C (de Estaca de Bares ao río Eo) e nas zonas A e B o 10 de novembro (da desembocadura do Miño a Estaca de Bares).

Peches de campaña

Publicado el por purificacion.alfonso@ardoraformacion.com

A campaña de extracción de ourizo de mar (Paracentrotus lividus) en Galicia chegou ao seu fin o pasado 30 de abril. A veda manterase ata o outono, cando poderá retomarse a actividade nos meses de outubro ou novembro, dependendo das zonas e dos plans de xestión das entidades.

Este peche temporal coincide coa etapa de reprodución natural da especie, que adoita producirse nos meses de marzo e abril. 

O produto, considerado un manxar, conta cunha importante demanda tanto no mercado nacional como internacional.

Peches de campaña

Publicado el por purificacion.alfonso@ardoraformacion.com

Aprobado o Plan experimental para a xestión do polbo (Octopus vulgaris) para a campaña 2025/26 mediante a Resolución da Consellería do Mar de 26 de marzo de 2025. O novo Plan recolle unha parada temporal da actividade durante o mes de abril e unha veda biolóxica durante os meses de maio e xuño.

O 31 de marzo foi o último día autorizado para o emprego do bou de vara e bou de man na ría de Arousa.  As especies que se capturan con estas artes son a volandeira (Aequipecten opercularis) a zamburiña (Mimachlamys varia) e outras especies demersais.

Tamén pechou o período de captura do lumbrigante (Homarus gammarus), ata o 1 de xullo.

Aperturas de campaña

Publicado el por purificacion.alfonso@ardoraformacion.com

O 1 de abril iniciouse a campaña de extracción da lagosta (Palinurus elephas), que se prolongará ata o 30 de setembro.

Por outra banda, autorizáronse os Plans de pesca de anguía (Anguilla anguilla) para as confrarías de pescadores das rías de Vigo e Arousa para a tempada 2025, mediante Resolucións da Consellería de Mar do 26 de marzo.

Poderán participar nos plans de pesca de anguía as embarcacións que teñan no seu permiso de explotación a nasa voitirón ou a nasa para anguía. O período autorizado é do 1 de abril ata o 30 de setembro de 2025, e cada embarcación poderá empregar ata 80 nasas diarias de anguía ou voitirón.

Aperturas de campaña

Publicado el por purificacion.alfonso@ardoraformacion.com

No mes de maio abriu a campaña da zamburiña (Mimachlamys varia) na Ría de Ferrol,  o ameixón (Callista chione), na Ría de Muros e Noia, e os anemones  (Anemonia viridis).

Durante este mes capturáronse dúas toneladas de zamburiña, que se comercializaron nas lonxas das Confrarías de Ferrol e Barallobre. O volume de ameixón extraído foi perto de 10 toneladas, e o 98% da primeira venda fíxose na lonxa da Confraría de Muros.   De anemones capturáronse 518 quilos e a primeira venda canalizouse a través da lonxa da Confraría de Barallobre.

Aperturas e peches

Publicado el por purificacion.alfonso@ardoraformacion.com

Despedímonos por uns meses do polbo (Octopus vulgaris) e o ourizo (Paracentrotus lividus), xa que as súas campañas acaban de pechar. O polbo abrirá de novo o 1 de xullo e o ourizo a partir do mes de outubro.

Por outra banda, volverán a estar presentes nos mercados o ameixón (Callista chione), desde o 6 de maio, debido á apertura da campaña na Ría de Muros, e os anemones (Anemonia viridis), xa que algunhas confrarías da provincia de A Coruña comezan a súa extracción este mes.