O sábado 7 de xuño ás 12.00 h terá lugar o showcooking «pescadeRías. Tesouros da nosa pesca artesanal» no Mercado Mar de Mares, que se celebrará no Mercado de Abastos de San Agustín da Coruña.
O cociñeiro Moncho Méndez, do restaurante Millo Orzán, , presentará a proposta «Sardiñas ao estilo escandinavo», peixe axul que está no seu momento óptimo de consumo xa que, como di o refrán: por San Xoán a sardiña molla o pan.
Participa no mercado como expositor a empresa certificada Porto-Muiños S.L. O mercado Mar de Mares está enmarcado no Festival Mar de Mares, que se celebra do 6 ao 15 de xuño.