Próximas feiras internacionais

Publicado el por purificacion.alfonso@ardoraformacion.com

A Consellería do Mar promoverá a presenza dos produtos da pesca artesanal galega en tres citas internacionais clave no mes de marzo. A Foodex Xapón (10–13 de marzo), acudirán 4 empresas galegas, entre elas Conservas Portomar S.L.U., certificada por pescadeRías de onde se non?

Na Seafood Expo North America 2026, en Boston (15–17 de marzo), participarán 15 empresas; Costas y Miñán S.L., empresa certificada, é unha delas.

En Alimentaria Barcelona (23–26 de marzo) estarán presentes 29 empresas galegas. Entre elas figuran Costas y Miñán S.L., Mariscos Daporta S.L., Conservas La Brújula S.L., Porto Muíños, Conservas Portomar S.L.U., Fish Factory S.L., El Percebeiro S.L., Mares de Galicia S.A. e Conservera Gallega S.A., todas certificadas pola marca pescadeRías de onde se non?

Salimat 2026

Publicado el por purificacion.alfonso@ardoraformacion.com

Continúa aberto o prazo de inscrición para participar como coexpositor no stand institucional da Consellería do Mar no Salón de Alimentación do Atlántico (SALIMAT), que terá lugar en Silleda do 4 ao 7 de xuño. Esta feira constitúe un dos principais encontros profesionais do sector alimentario no noroeste peninsular, con empresas produtoras, distribuidoras e canles de comercialización.

A participación no espazo institucional ofrece ás empresas galegas do mar a posibilidade de reforzar a súa visibilidade nun contexto profesional, presentar novidades, consolidar relacións comerciais xa existentes e abrir novas vías de negocio. Ademais, facilita a realización de accións promocionais coordinadas, degustacións e encontros con compradores, nun entorno que favorece o intercambio comercial e a proxección de marca.

Estivemos en Madrid Fusión

Publicado el por purificacion.alfonso@ardoraformacion.com

Os produtos da pesca artesanal galega amosaron en Madrid Fusión a súa calidade, diversidade e potencial gastronómico. No stand da Consellería do Mar, as empresas coexpositoras deron a coñecer diferentes especies en distintos formatos e presentacións a profesionais da cociña, da distribución e da restauración.

A participación completouse cun programa de catas no que se presentaron distintas elaboracións a base de peixes e mariscos certificados pola marca pescadeRías de onde se non?, que permitiron explorar novas formas de consumo e poñer en valor o produto do mar galego.

O vídeo resumo recolle algúns dos mellores momentos da feira, coa presenza das empresas participantes e unha selección das catas realizadas. Podes velo aquí.

Feiras internacionais en xaneiro

Publicado el por purificacion.alfonso@ardoraformacion.com

Este mes de xaneiro, a Consellería do Mar reforzará a promoción internacional dos produtos do mar galegos en tres feiras de referencia. Do 11 ao 13 de xaneiro participará na Winter FancyFaire* 2026, en San Diego, xunto a catro empresas galegas, entre elas Costas y Miñán S.L.

Do 26 ao 30 de xaneiro os produtos da pesca artesanal galega estarán presentes na Gulfood 2026, en Dubai, con dous espazos diferenciados: Seafood, con seis empresas, e World Food, con 14 entidades, entre as que se atopan Conservas La Brújula S.L., El Percebeiro S.L. e Conservas Portomar SLU.

Ademais, do 26 ao 28 de xaneiro, 15 empresas participarán no stand institucional en Madrid Fusión, incluídas as empresas certificadas Mariscos Daporta S.L., Costas y Miñán S.L., Artesa Rías Baixas S.L., HQ Seaweed S.L., Fish Factory S.L. e El Percebeiro S.L.

Etiqueta Negra Gourmet

Publicado el por purificacion.alfonso@ardoraformacion.com

Do 8 ao 10 de novembro celebrouse en Pontevedra a novena edición da feira ETIQUETA NEGRA Gourmet galego e innovación inspiradora.

O domingo día 9 tivo lugar o showcooking GALICIA SABE AMAR. pescadeRías de onde se non?, onde Héctor López do Restaurante España de Lugo presentou as súas creacións con robaliza  e berberechos certificados. Unha boa oportunidade para amosar a riqueza e a calidade dos produtos da pesca artesanal galega.

Participaron na feira as empresas certificadas Costas y Miñán S.L. e Insuapesca S.L.

Conxemar

Publicado el por purificacion.alfonso@ardoraformacion.com

Os produtos da pesca artesanal galega están presentes na feira Conxemar 2025, que se celebra en Vigo do 7 ao 9 de outubro, nunha nova edición deste gran encontro internacional da industria dos produtos do mar conxelados.

A feira, considerada unha cita ineludible para o sector, conta cun stand institucional da Consellería do Mar no que participan 16 empresas galegas. Entre elas destacan tres entidades certificadas pola marca pescadeRías de onde se non?: Mariscos Daporta S.L., HQ Seaweed S.L. e Porto-Muíños S.L., que dan a coñecer as bondades dos produtos da pesca artesanal galega.

Vindeiras citas en eventos gastronómicos

Publicado el por purificacion.alfonso@ardoraformacion.com

A marca pescadeRías de onde se non? terá presenza en destacados eventos gastronómicos nas próximas semanas, con participación en San Sebastián Gastronómika e Gastrónoma Valencia. Na cita donostiarra estarán presentes as empresas certificadas Horesmar e Artesa Rías Baixas S.L., que amosarán produtos da pesca artesanal galega ante profesionais da alta cociña. En Valencia, participarán dez entidades vinculadas á comercialización de produtos do mar, entre elas cinco certificadas pola marca: Fish Factory S.L., a Confraría de Pescadores Santiago Apóstol de Barallobre, Costas y Miñán S.L., Artesa Rías Baixas S.L. e Conservas La Brújula S.L. Dúas citas que reforzan o valor e prestixio dos produtos da pesca artesanal galega.

Outras Feiras Internacionais

Publicado el por purificacion.alfonso@ardoraformacion.com

Ademais de acudir a Conxemar, a Consellería do Mar participará este mes en dúas das feiras internacionais máis relevantes do sector alimentario: ANUGA 2025, que se celebrará en Colonia do 4 ao 8 de outubro, e a China Fisheries & Seafood Expo 2025, en Qingdao, do 29 ao 31 de outubro. No stand institucional da Consellería en ANUGA participarán 17 empresas e entidades da industria de produtos do mar, entre elas tres certificadas pola marca pescadeRías de onde se non?: Conservas La Brújula S.L., Conservas Portomar S.L.U. e Costas y Miñán S.L. En China, o stand institucional acollerá cinco entidades vinculadas á comercialización de produtos do mar, incluídas Conxemar e a Cámara de Comercio de Pontevedra, Vigo e Vilagarcía de Arousa.

Estaremos en Auténtica Sevilla

Publicado el por purificacion.alfonso@ardoraformacion.com

Os días 15 e 16 de setembro celebrarase en Sevilla a Auténtica Food Fest 2025, unha das citas profesionais máis recentes e con maior proxección no ámbito da alimentación en España. O encontro converterase nun espazo de referencia que reunirá a milleiros de profesionais, directivos e cociñeiros vinculados á gran distribución, ao comercio retallista, ao canal horeca e á alta gastronomía, nun foro único para coñecer tendencias e retos do sector.

O evento contará cun stand institucional da Consellería do Mar no que participarán oito empresas, entre elas El Percebeiro S.L., Costas y Miñán S.L. e a Confraría de Pescadores Santiago Apóstol de Barallobre, certificadas pola marca pescadeRías de onde se non?

SALIMAT

Publicado el por purificacion.alfonso@ardoraformacion.com

Do 5 ao 8 de xuño, a marca pescadeRías de onde senon? participou no 28º Salón de Alimentación do Atlántico (Salimat Abanca), en Silleda. A Consellería do Mar contou cun stand institucional con sala de catas, onde se promocionaron os produtos do mar galegos.

O xoves 5 e o sábado 7 de xuño celebraronse demostracións de peixe e marisco certificado. Seis empresas participaron como expositoras, entre elas Insuapesca S.L., certificada pola marca pescadeRías de onde se non?

Este evento representa unha oportunidade para reforzar a visibilidade da pesca artesanal, difundir a súa calidade e fomentar o seu consumo a través de experiencias culinarias directas co público.