Mariscos Daporta S.L. é unha empresa familiar con longa traxectoria no sector, fundada en 1955 e constituída como sociedade no ano 1999. Está situada no porto de Tragove, en Cambados, e opera como depuradora de moluscos.
Desde 2015 conta coa certificación pescadeRías de onde senon? para o grupo biolóxico dos bivalvos. A empresa realiza compras nas principais lonxas galegas onde os bivalvos son o produto principal.
O compromiso coa pesca artesanal e a calidade dos seus procesos avala a renovación da súa certificación a través de auditorías anuais, que recoñecen o seu esforzo pola sustentabilidade e pola proximidade ao consumidor.
