Proxecto Hippo-DEC

Publicado el por purificacion.alfonso@ardoraformacion.com

O grupo de investigación do Instituto de Investigacións Mariñas de Vigo Hippo-DEC (IIM-Vigo CSIC) liderado por Miquel Planas  e Jorge Urcera está a avaliar a situación actual das poboacións salvaxes de cabaliños de mar no litoral español para identificar zonas de protección e propoñer medidas de conservación.

O rexistro dos avistamentos de exemplares, tanto vivos como mortos, é fundamental para levar a cabo este proxecto. O grupo de investigación Hippo-DEC solicita a colaboración dos profesionais do sector marítimo pesqueiro galego na comunicación dos avistamentos de cabaliño de mar que teñan oportunidade de realizar no seu día a día. Podes ler o artigo completo aquí.

O marisqueo a pé, un paradigma de sustentabilidade

Publicado el por purificacion.alfonso@ardoraformacion.com

Gumersindo Feijoo, catedrático de Enxeñería Química pola Universidade de Santiago de Compostela e coautor da marca de garantía de calidade «Pescaenverde», analiza neste artigo a pegada ambiental do marisqueo a pé. Ademais, o autor pon de relevancia a influencia que o quecemento global e o cambio nas condicións climáticas das rías galegas pode ter sobre esta actividade profesional.

Podes ler o artigo completo aquí.

A versión en castelán deste artigo foi publicada orixinalmente en The Conversation-España.

Poboacións de fitoplancto tóxico e acumulacion de toxinas en bivalvos

Publicado el por purificacion.alfonso@ardoraformacion.com

Este mes achegamos un artigo de Juan Blanco, Doutor en Bioloxía pola Universidade de Santiago de Compostela e investigador do Centro de Investigacións Mariñas.

O autor aborda un tema prioritario para o sector marisqueiro galego: as poboacións de fitoplancto tóxico e a acumulación de toxinas en bivalvos. O artigo describe os factores de desenvolvemento destas poboacións, o proceso de inxestión de células tóxicas por parte dos bivalvos, a presenza de toxicidade nos bivalvos e os condicionantes que inflúen na eliminación de toxinas.

Podes ler o artigo completo aquí.

O artigo do mes

Publicado el por purificacion.alfonso@ardoraformacion.com

O artigo do mes está centrado no consumo de peixe azul e amósanos unha perspectiva dupla: os seus beneficios para a saúde e para o medio ambiente.

O catedrático de Enxeñería Química da Universidade de Santiago de Compostela Gumersindo Feijoo explica os aportes nutricionais do peixe azul e os efectos da dieta atlántica sobre a poboación. Tamén proporciona información sobre o impacto ambiental das modalidades de pesca empregadas na súa captura e a pegada de carbono asociada. Podes ler o artigo completo aquí.

O artigo do mes

Publicado el por purificacion.alfonso@ardoraformacion.com

Este mes queremos presentarvos un aparello hidráulico para a remoción de sedimentos en bancos marisqueiros. Foi desenvolvido por técnicos de SEAGA e investigadores do CIMA.

O seu deseño e as experiencias adquiridas no seu manexo están a disposición daquelas agrupacións e confrarías que desexen poñer en práctica o uso cotián das tarefas de remoción hidráulica para mellorar o estado do substrato dos seus bancos marisqueiros.

Podes ler aquí o artigo completo.

O artigo do mes

Publicado el por purificacion.alfonso@ardoraformacion.com

Este mes, o artigo que vos achegamos vén da man de dous biólogos mariños cunha ampla traxectoria de investigación e divulgación sobre o medio mariño galego: Rafael Bañón e Manuel E. Garci.

O artigo preséntanos as especies de peixes máis coloridas das augas de Galicia, e explica os seus patróns de pigmentación. Esperamos que vos guste.

Podes ler aquí o artigo completo.

O artigo do mes

Publicado el por purificacion.alfonso@ardoraformacion.com

Álvaro Roura, José Irisarri e Gonzalo Mucientes, da Asociación Ecoloxía Azul, presentan o artigo «Estacións de limpeza: unha curiosa simbiose entre o peixe sanmartiño (Zeus faber) e o cangrexo araña (Inachus dorsettensis)»

O sanmartiño é un peixe solitario que habita en augas da plataforma continental, entre os 50 e os 150 metros de profundidade. En ocasións, hai unha serie de copépodos que parasitan a súa pel. En concreto, os copépodos ectoparásitos que se coñecen vulgarmente como piollos de mar. Para eliminalos conta coa axuda do cangrexo araña que se encarga desta tarefa. Esta coreografía de limpeza é un exemplo de simbiose na que ambas especies saen mutuamente beneficiadas.

Podes ler o artigo completo aquí.

O artigo do mes

Publicado el por purificacion.alfonso@ardoraformacion.com

Pedro Montero, Garbiñe Ayensa, Silvia Calvo e Silvia Allen-Perkins, do INTECMAR, presentan o artigo Mellorando o coñecemento das condicións hidrográficas nas zonas dedicadas ao cultivo de especies marisqueiras.

O INTECMAR, xunto con MeteoGalicia e o CETMAR, leva máis de dez anos participando no Observatorio Costeiro da Xunta de Galicia que se dedica á observación e predición das condicións meteorolóxicas e oceanográficas da costa de Galicia. Esta información resulta de grande utilidade para os técnicos de marisqueo, xa que dá soporte na xestión sostible e coordinada do medio mariño.

Para ver o artigo completo, preme aquí.

Detección de mareas vermellas

Publicado el por purificacion.alfonso@ardoraformacion.com

Este mes recollemos un artigo publicado orixinariamente na revista GCiencia  no que se presenta unha nova metodoloxía con fotografías de Sentinel-2 para controlar as proliferacións de algas potencialmente nocivas, desenvolvida por investigadoras do CSIC.

Para saber máis, preme aquí.

Imaxe: Andrés Simón Gómez