Incorporamos á Tripulación pescadeRías a Susana Darriba, xefa da Unidade de Patoloxía do INTECMAR.
Visitámola no seu centro de traballo para coñecer de primeira man o labor que desenvolven na investigación das patoloxías que afectan aos moluscos, clave para vixiar e garantir a saúde dos bancos marisqueiros de Galicia.
Susana cóntanos como é o día a día do seu equipo, como analizan as mostras e cales son as principais enfermidades que poden afectar aos moluscos dos nosos bancos marisqueiros. Un labor científico esencial que moitas veces queda fóra do foco, e que resulta fundamental para o futuro do sector.
Un repaso ás especies que lideraron as lonxas galegas este ano, tanto en volume como en valor económico.
A piques de despedir o ano, traémosche a clasificación dos peixes e mariscos máis capturados en 2025 pola flota artesanal galega. Un resumo perfecto para entender que especies conquistaron as lonxas… e tamén as mesas!
Os peixes volven ser os grandes protagonistas*, tanto polo volume de capturas como por valor económico. Tras deles, sitúanse os bivalvos, os cefalópodos*, os crustáceos, os equinodermos, as algas e os gasterópodos.
Entre os peixes, o peixe azul manda con claridade: sardiña, xurelo, bocarte, xarda e congro encabezan a lista. E se falamos de valor, os catro primeiros repiten e a robaliza adiántase ao congro.
Nos bivalvos, a ameixa xaponesa, o berberecho e a navalla son as especies con maior volume de capturas. Por importe, o podio queda para a ameixa xaponesa, a navalla e a ameixa rubia, mentres o berberecho baixa ao cuarto posto.
Nos cefalópodos, polbo e choco son as estrelas absolutas tanto en volume como en facturación.
E nos crustáceos, centola e percebe lideran as capturas, aínda que, se miramos o valor económico, o percebe colócase por diante.
Gráfico: Volume de primeira venda nas lonxas galegas entre o 1 de xaneiro e o 19 de decembro de 2025.
*O gráfico inclúe o volume de primeira venda en todas as lonxas de Galicia, sen diferenciar as capturas segundo o tipo de pesca. Esta circunstancia non altera a importancia relativa dos distintos grupos biolóxicos en termos de volume de vendas para a flota artesanal galega. Mesmo se se considerasen unicamente as capturas desta frota, a distribución dos grupos biolóxicos en volume de vendas sería moi semellante.
Este mes, en Tripulación pescadeRías visitamos Mariscos Islas Cíes S.L. para coñecer de preto o traballo de Julio Fernández nunha depuradora de moluscos e cetárea de mariscos.
Ao longo da visita, Julio explícanos o proceso de depuración, as especies que comercializan, os seus produtos estrela e o sistema de clasificación por tamaños, mostrando o coidado e a precisión que require cada tarefa. A experiencia permítenos descubrir desde dentro o labor imprescindible que garante a calidade, a frescura e a trazabilidade do marisco que chega ás nosas mesas.
A empresa destacada do mes é Real Conservera Española, certificada pola marca pescadeRías de onde se non? desde 2019 para a transformación de bivalvos, peixe e equinodermos.
Con máis dun século de tradición familiar, a conserveira mantén un proceso de elaboración artesanal no que o seu equipo de traballadoras conserva o saber facer da tradición galega. Esta filosofía levounos ao cumio do ranking World’s 101 Best Canned Products from the Sea, sendo o produtor máis galardoado do mundo.
A empresa ofrece visitas guiadas con cata e dispón dunha tenda en liña onde adquirir as súas conservas.
En el artículo de este mes, Natalia Bienzobas, José Guitián y Ana M. Bernabeu, investigadores/as de la Universidad de Vigo, analizan la influencia del tamaño de grano de los sedimentos en la productividad de los bancos marisqueros de la Ría de Arousa.
El objetivo del estudio, realizado en colaboración con tres cofradías locales en el marco del proyecto europeo TransformAr, es comprender cómo las características sedimentarias afectan al desarrollo de los bivalvos. La investigación busca generar datos a largo plazo que permitan anticipar cambios y garantizar la sostenibilidad de la actividad marisquera gallega.
«A ameixa feita arte» é a última iniciativa da Cooperativa Ría de Arosa para promover os seus produtos do mar con certificación pescadeRías de onde se non? entre os profesionais da restauración. Tres xornadas que se levaron a cabo no Mercado de Abastos de Santiago, no restaurante O Curro da Parra e na Aula de Cociña do Viveiro de Empresas de Boiro, con Miguel Mosteiro, de Gastrolab Arousa.
Chefs, propietarios de restaurantes e responsables de compras puideron coñecer de preto o traballo das socias e socios da cooperativa e a calidade do berberecho, ameixa babosa e ameixa xaponesa de Abanqueiro a través de demostracións de cociña e degustacións.
Este mes achegamos un artigo de Juan Blanco, Doutor en Bioloxía pola Universidade de Santiago de Compostela e investigador do Centro de Investigacións Mariñas.
O autor aborda un tema prioritario para o sector marisqueiro galego: as poboacións de fitoplancto tóxico e a acumulación de toxinas en bivalvos. O artigo describe os factores de desenvolvemento destas poboacións, o proceso de inxestión de células tóxicas por parte dos bivalvos, a presenza de toxicidade nos bivalvos e os condicionantes que inflúen na eliminación de toxinas.
