Axudas

Publicado el por purificacion.alfonso@ardoraformacion.com

Está aberta a convocatoria da Consellería do Mar para o ano 2024, para a concesión en réxime de concorrencia competitiva de axudas destinadas á realización de investimentos para pemes do sector transformador dos produtos da pesca e acuicultura que contribúan a fomentar unha pesca e acuicultura que contribúan á seguridade alimentaria na Unión, fomentando unha pesca e acuicultura sostibles dende unha perspectiva medioambiental, socialmente responsable, baseada no coñecemento e competitiva.

O prazo remata o día 18 de xullo ás 23:59.

Máis información aquí.

A especie do mes: Acedía

Publicado el por purificacion.alfonso@ardoraformacion.com

Este mes a especie protagonista do noso boletín é a acedía (Dicologlossa cuneata), un peixe bentónico moi común no litoral galego.

O seu corpo é plano, xa que está comprimido lateralmente, de xeito que ten os dous ollos no lado dereito. Por esa cara é de cor castaña amarelada, e pola outra, a que está en contacto co sustrato, de cor branca. Ten uns pequenos puntos escuros na pel da cara dorsal. É unha especie de pequeño tamaño; os exemplares adultos adoitan medir entre 15 e 21 cm de lonxitude, aínda que poden chegar a 30 cm.

Para ver a ficha da especie, preme aquí.

A entidade do mes: Confraría de Pescadores de Vigo

Publicado el por purificacion.alfonso@ardoraformacion.com

A actividade das persoas socias da Confraría de Pescadores de Vigo céntrase na extracción de recursos específicos, marisqueo, artes menores e cerco.

A confraría xestiona a lonxa de Canido. No 2023 as principais especies por volume foron a navalla, o polbo e a ameixa babosa. A súa principal clientela son maioristas e restaurantes; ademais, contan con servizo de venda directa ao público na lonxa de Canido. Está certificada pola marca pescadeRías de onde se non? para a comercialización de bivalvos, cefalópodos, crustáceos, peixes, algas, antozoos e equinodermos.

Máis información aquí.

Poboacións de fitoplancto tóxico e acumulacion de toxinas en bivalvos

Publicado el por purificacion.alfonso@ardoraformacion.com

Este mes achegamos un artigo de Juan Blanco, Doutor en Bioloxía pola Universidade de Santiago de Compostela e investigador do Centro de Investigacións Mariñas.

O autor aborda un tema prioritario para o sector marisqueiro galego: as poboacións de fitoplancto tóxico e a acumulación de toxinas en bivalvos. O artigo describe os factores de desenvolvemento destas poboacións, o proceso de inxestión de células tóxicas por parte dos bivalvos, a presenza de toxicidade nos bivalvos e os condicionantes que inflúen na eliminación de toxinas.

Podes ler o artigo completo aquí.

A receita do mes

Publicado el por purificacion.alfonso@ardoraformacion.com

Este mes comeza a campaña do polbo (Octopus vulgaris) e propoñemos unha receita na que é o ingrediente protagonista. Trátase dunha proposta de Paula Martínez e Lolo Mosteiro, chefs do restaurante A Artesa da Moza Crecha de Betanzos, que podemos replicar na nosa casa para sorprender a familia e amizades.

Non vos deixedes amedrentar, é moito máis sinxela do que podería parecer a primeira vista. Só tedes que seguir os pasos da receita para obter un delicioso prato, moi fresco e acaído para esta época, que ademáis ten a vantaxe de elaborarse con anticipación.

Preme aquí para ver a receita completa.