Just another WordPress site
Este mes presentamos unha elaboración de pescada con allada en texturas. Trátase dunha creación do cociñeiro Marcos S. Area, propietario de É Restaurante de Marín, establecemento que está adherido á marca pescadeRías de onde se non?.
Está receita é unha fantástica e deliciosa interpretación da receita tradicional da caldeirada de pescada.
Anímate a preparala!
Podes ver a receita completa aquí.
Este mes incorpórase á Tripulación pescadeRías Alberto Carou, cociñeiro e propietario do Curral do Marqués, en Taragoña, Rianxo. Alberto ábrenos as portas do seu restaurante e da súa cociña para compartir unha receita moi querida da súa tradición familiar: as ameixas de María A Pilota.
Ademais, falamos dos seus inicios na cociña, das lonxas onde se abastece e dos seus consellos para cociñar con produto fresco da pesca artesanal galega.
Unha entrega chea de sabor, tradición e paixón polo mar!
Podes ver o vídeo aquí.
O cociñeiro Marcos Cabanas, do restaurante El Olivo Cocina & Bar de Narón, proponnos unha sinxela e fantástica receita da cociña atlántica: pinto con licuado de algas.
Esta elaboración foi unha das que se presentaron no showcooking «pescadeRías de onde se non? – De proximidade e con selo propio», dentro da 38ª edición do Salón Gourmets, celebrado en Madrid o pasado mes.
Con poucos ingredientes e un proceso doado de seguir, esta proposta é excelente tamén para introducir as algas na cociña, gozando do seu sabor único mariño.
Podes ver a receita completa aquí.
A cociñeira Emma Pinal, do Gastrobar O Birrán de Ribadavia, sorprende cunha receita orixinal e sinxela: Choco Benedictino. O prato ten como protagonista o choco, que se acompaña de Pan de Cea e unha salsa especial que lle achega un sabor único.
Esta elaboración foi unha das presentadas no showcooking «pescadeRías de onde se non? – De proximidade e con selo propio», dentro da X edición do Galicia Fórum Gastronómico.
Se queres probar unha combinación diferente cun produto tan versátil como o choco, esta receita é unha excelente opción.
Podes ver a receita completa aquí.
Chema García, de El Faro Gastronómico, tráenos unha receita cun dos seus peixes favoritos, tanto en fresco como en conserva: a xarda, que ademais é un dos produtos destacados da pesca artesanal galega. Trátase dunha receita sinxela de xarda con curry fresco e ensalada de rúcula.
O ingrediente principal é a xarda en conserva, acompañada dunha salsa deliciosa e fresca que lle da o toque final ao prato.
Podes ver a receita aquí.
A cociñeira Emma Pinal, do Gastrobar O Birrán de Ribadavia, lémbranos o dito popular: “En xaneiro, a raia sabe a carneiro”, e faino cunha proposta orixinal e deliciosa que é perfecta para sorprender a familiares e amizades: raia en manteiga negra.
Esta receita, ademais de sinxela, é ideal para introducir o peixe na dieta infantil, xa que a raia, ao carecer de espiñas, é fácil de comer e moi apetecible para todos os padais. Pide ao teu peixeiro ou peixeira de confianza que lle quite a pel e a corte para facilitar o cociñado.
Podes ver a receita completa aquí.
Mariví Otero, cociñeira do Chiringuito Coco Bao na Illa de Arousa, comparte as claves para preparar unha receita sinxela e deliciosa: carneiros á tixola en salsa verde. Este molusco, versátil e cheo de posibilidades, está gañando protagonismo tanto nos mercados como nas cociñas dos restaurantes.
Con poucos ingredientes e un proceso doado de seguir, esta proposta é ideal para quen desexe iniciarse na cociña co carneiro, gozando do seu sabor único e fresco.
A receita formou parte do Obradoiro de Cociña con Algas e Mariscos, organizado pola OPP20 Illa de Arousa e impartido por Mariví Otero no Chiringuito Coco Bao. Unha experiencia que une tradición, innovación e o amor polos produtos do mar galego.
Podes ver a receita completa aquí.
A receita deste mes ten un marcado carácter festivo: Javier Rodríguez Ponte «Taky», de Boketé Catering, proponnos un prato ideal para gozar da celebración do Nadal: Crema de tomate ao aceite de oliva con salpicón cremoso de centola.
O prato só ten vantaxes: un ingrediente estrela, unha elaboración sinxela e apta para amateurs, un toque de orixinalidade e sofisticación, é lixeiro e fresco, e ademais pode prepararse con anticipación!
Podes ver a receita aquí.
Que o disfrutes!
Este mes presentamos unha elaboración de salmonete con verduras de tempada e salsa beurre blanc. Trátase dunha creación do cociñeiro Alberte Gutiérrez, do Restaurante Alberte de Vigo, establecemento adherido á marca pescadeRías de onde se non?
O ingrediente principal é o salmonete, acompañado de verduras de tempada e unha salsa deliciosa que lle da o toque final ao prato. Anímate a preparala!
Podes ver a receita aquí.
Este mes a receita da nosa sección é unha elaboración mar e montaña apta para persoas vexetarianas. Si, vexetariana e con produtos do mar, porque un dos ingredientes protagonistas, que lle imprime o carácter mariño, é a alga wakame (Undaria pinnatifida).
Esta elaboración foi unha das favoritas do público asistente ao Obradoiro de cociña con Algas e Mariscos organizado pola OPP20 Illa de Arousa. O Obradoiro foi impartido por Mariví Otero, cociñeira do Chiringuito Coco Bao da Illa de Arousa, quen nos proporcionou esta receita de pani puris recheos de bechamel de alga wakame e cogomelos portobello.
Podes ver a receita completa aquí.