Tripulación

Acompañamos a Beatriz Chousa, asistencia técnica da Confraría de Pescadores do Porto do Son, nunha xornada do seu traballo, esencial na xestión do marisqueo e dos recursos específicos.

Bea cóntanos en que consiste o seu traballo, cales son os recursos que se traballan na súa confraría, e a importancia das mostraxes biolóxicas e do seguimento dos recursos mariños para garantir unha explotación responsable e sostible.

Unha reportaxe que permite coñecer mellor o papel das asistencias técnicas das confrarías e a súa contribución á conservación dos recursos e ao futuro do sector.

Podes ver o vídeo aquí.

Durante o pasado mes de xuño continuaron as auditorías do sistema de certificación da marca pescadeRías de onde se non?, co obxectivo de verificar o cumprimento dos requisitos de orixe, trazabilidade e calidade dos produtos certificados.

Neste período realizáronse as recertificacións da Confraría de Pescadores de Moaña (bivalvos), da Lonxa de Campelo A.I.E. (bivalvos, cefalópodos, crustáceos e peixes) e de Frigoríficos Moldes S.L. (cefalópodos).

Ademais, superaron as correspondentes auditorías de seguimento a Confraría de Pescadores de Malpica, para cefalópodos, crustáceos, equinodermos, antozoos e peixes, e Grupo Envimar NW S.L., no ámbito de peixes, cefalópodos, equinodermos, bivalvos e crustáceos.