Just another WordPress site
No mes de maio tiveron auditoría de seguimento a Confraría de Pescadores de Aldán-Hío (cefalópodos, peixes, bivalvos e gasterópodos), HQ Seaweed S.L. (algas) e Frigoríficos Rosa de los Vientos S.L. (cefalópodos e bivalvos).
As auditorías de seguimento son de obrigado cumprimento para todos os axentes certificados e pásanse nun momento intermedio durante o período de vixencia da certificación. As certificacións outórganse por cinco anos.
Damos a benvida á peixería Carrefour Market de Sada, que comercializa produto da pesca artesanal galega, e acaba de adherirse á marca pescadeRías de onde se non?
O seu proveedor é Orixe da Ría S.L., distribuidor certificado que compra diariamente nas lonxas galegas.
Orixe da Ría S.L. provee tamén á peixería do Carrefour Market de Sanxenxo, adherida á marca con anterioridade.
No mes de maio abriu a campaña da zamburiña (Mimachlamys varia) na Ría de Ferrol, o ameixón (Callista chione), na Ría de Muros e Noia, e os anemones (Anemonia viridis).
Durante este mes capturáronse dúas toneladas de zamburiña, que se comercializaron nas lonxas das Confrarías de Ferrol e Barallobre. O volume de ameixón extraído foi perto de 10 toneladas, e o 98% da primeira venda fíxose na lonxa da Confraría de Muros. De anemones capturáronse 518 quilos e a primeira venda canalizouse a través da lonxa da Confraría de Barallobre.
Están abertas as seguintes convocatorias de axudas e subvencións de interese para o sector pesqueiro e marisqueiro:
Subvencións da Deputación de Pontevedra ás confrarías de pescadores/as, federacións de confrarías e agrupacións de mariscadoras da provincia de Pontevedra para investimentos. Información aquí.
Axudas da Consellería do Mar a persoas armadoras e tripulantes, por paralización temporal da actividade marisqueira. Información aquí.
O longueirón (Ensis siliqua) é un molusco bivalvo con dúas cunchas rectas e alongadas, o cal o diferencia da navalla (Ensis magnus), que é lixeiramente curva. Nótase moito nas valvas a liña de crecemento e presenta dúas zonas de cor diferente, separadas por unha diagonal: unha zona de liñas horizontais marróns ou alaranxadas e outra de liñas verticais.
Vive en fondos areosos, no intermareal inferior e no infralitoral. A súa extracción faise mediante mergullo a pulmón ou con subministro de aire dende superficie, capturando os individuos de un en un coa man. Máis información aquí.
Da Lonxa ao Prato S.L. é unha empresa familiar con base en Ribeira e profundamente imbricada no sector da pesca desta localidade. Dedícase á venda de produtos pesqueiros frescos, a maioristas e minoristas, tanto a nivel local e autonómico, como nacional e internacional.
Teñen unha instalación depuradora de moluscos bivalvos e cetárea propia. Están certificados pola marca para a comercialización de bivalvos, peixes, cefalópodos, crustáceos, equinodermos e antozoos.
O artigo do mes está centrado no consumo de peixe azul e amósanos unha perspectiva dupla: os seus beneficios para a saúde e para o medio ambiente.
O catedrático de Enxeñería Química da Universidade de Santiago de Compostela Gumersindo Feijoo explica os aportes nutricionais do peixe azul e os efectos da dieta atlántica sobre a poboación. Tamén proporciona información sobre o impacto ambiental das modalidades de pesca empregadas na súa captura e a pegada de carbono asociada. Podes ler o artigo completo aquí.
O restaurante Liresca de Cee proponnos cociñar un dos peixes que está en tempada neste mes de xuño: o pinto (Labrus bergylta).
A súa caldeirada de pinto con parmentier de pataca de Coristanco e “fabas do marisco” (alubia verdina da Costa da Morte) xunta no mesmo prato os nosos sabores do mar e da terra, produto local, temporalidade e sustentabilidade.
Podes ver a receita completa aquí.O restaurante Liresca de Cee proponnos cociñar un dos peixes que está en tempada neste mes de xuño: o pinto. A súa caldeirada de pinto con parmentier de pataca de Coristanco e “fabas do marisco” (alubia verdina da Costa da Morte) xunta no mesmo prato os nosos sabores do mar e da terra, produto local, temporalidade e sustentabilidade.
Podes ver a receita completa aquí.
La marca pescadeRías de onde se non? acudirá a la 27ª edición del Salón de Alimentación del Atlántico Salimat Abanca del 30 de mayo al 2 de junio. La Consellería do Mar participará con un stand institucional, que incluirá una sala de catas donde tendrán lugar las actividades de promoción de los productos del mar. Está prevista la participación de empresas coexpositoras, que presentarán sus productos frescos y elaborados certificados por la marca.
Además, la Consellería do Mar asistirá a la feria anual PLMA’s World of Private Label que se celebra en Ámsterdam los días 28 y 29 de mayo, organizada por la Private Label Manufacturers Association. La presencia de la Consellería do Mar en este evento se enmarca en una colaboración con la Federación Española de Industrias de Alimentación y Bebidas. Está prevista la participación de empresas coexpositoras gallegas, junto con 2.900 exhibidores de 70 países.
