O Concello de Noia, xunto coa Confraría de Pescadores San Bartolomé de Noia e a patronal Noia Histórica, celebrarán entre os días 15 e 18 de decembro unhas xornadas de posta en valor do berberecho de Noia. Está prevista a impartición de clases maxistrais por parte de cociñeiros de prestixio a nivel nacional, ás que se convidará a prescriptores do ámbito da comunicación, turismo, comercialización e restauración. O evento está promovido polo Grupo de Acción Local do Sector Pesqueiro Seo de Fisterra Ría de Muros-Noia: Costa Sostible e o Clube de Turismo Mariñeiro Mar Galaica.
Exaltación Berberecho de Noia
