Os produtos da pesca artesanal galega volveron estar presentes en SALIMAT, o Salón da Alimentación do Atlántico, celebrado en Silleda do 4 ao 7 de xuño.
Durante dúas xornadas, o público puido descubrir a calidade, frescura e versatilidade dos produtos certificados pola marca pescadeRías de onde se non? a través de diferentes showcookings e degustacións.
Peixes, mariscos, cefalópodos e bivalvos foron os protagonistas das elaboracións presentadas por recoñecidos profesionais da gastronomía galega na aula de catas da Consellería do Mar. Entre os produtos empregados destacaron o sargo, o pancho bicudo, o polbo, as navallas, as ameixas, o xurelo e a sardiña.
Se non puideches acompañarnos, aquí tes un resumo.
