Just another WordPress site
No mes de xuño adheriuse á marca o restaurante DeLito en Santiago de Compostela. Defínese como un espazo de cultura gastronómica, con produtos da terra e do mar apostando polos mellores estándares de calidade tanto en cada un dos pratos da carta como no trato coa clientela.
Nas súas instalacións pódense atopar peixes e mariscos certificados procedentes da pesca artesanal galega.
Coñece a nosa APP pescadeRías, ¿de onde se non? para móbiles. Esta aplicación oficial da Consellería do Mar é gratuíta e serache de grande utilidade para atopar información sobre a marca e os produtos da pesca artesanal certificados, consultar onde podes adquirilos, coñecer as entidades certificadas e os restaurantes, peixerías e tendas online adheridas, visualizar as receitas e estar ao día das novas relacionadas coa marca.
Ademais, incorpora un sistema de xeorreferenciación que permite localizar nun mapa os diferentes axentes usuarios e adheridos da marca. A aplicación está dispoñible en galego e en castelán para dispositivos móbiles co sistema Android e IOS.
Anímate a descargala e aposta pola nosa pesca artesanal!
No mes de xuño renovaron a certificación a Confraría de Pescadores de Cedeira (Bivalvos, Crustáceos, Peixes e Cefalópodos) e a Lonxa de Ribeira (Bivalvos, Peixes, Cefalópodos, Crustáceos, Equinodermos e Gasterópodos).
Ademais, a depuradora Aurelio Silva Abalo S.L. tamén renovou a súa certificación para moluscos Bivalvos.
Dúas novas empresas, ubicadas no Porto de Muros, realizaron a auditoría inicial de certificación na marca: Pescados y Mariscos Areamaior S.L., para crustáceos e bivalvos, e Pesca artesanal Fresco y del Mar S.L. para peixe, bivalvos, cefalópodos e crustáceos.
A veda da centola comezou o 24 de xuño nas provincias de Pontevedra e A Coruña e prolongarase ata o vindeiro 5 de novembro, incluído. Na provincia de Lugo a veda comezou o 3 de xullo e prolongarase ata o 27 de novembro.
Así o establece a resolución pola que se aproba o Plan de xestión da centola e do boi para a campaña 2023-2024, publicada no Diario Oficial de Galicia (DOG).
O 3 de xullo comezou en Galicia a campaña extractiva do polbo e prolongarase ata a data de inicio da veda do ano 2024. Ver a resolución aquí.
Na mesma data rematou a veda do lumbrigante e a nécora. A extracción do lumbrigante prolongarase ata o 31 de decembro (ver orde reguladora aquí) deste ano e a da nécora ata o 5 de xaneiro de 2024 (ver orde reguladora aquí).
Publicada a Resolución do 20 de xuño de 2023 pola que se autoriza o Plan de xestión coa arte de boliche entre os meses de xullo e outubro de 2023.
A especie obxecto de captura con esta arte de pesca é a lura e especies acompañantes, que deberán estar en época de extracción e superar o tamaño mínimo.
O prazo de presentación e de 15 días hábiles desde o 28 de xuño de 2023.
Este mes recollemos un artigo publicado orixinariamente na revista GCiencia no que se presenta unha nova metodoloxía con fotografías de Sentinel-2 para controlar as proliferacións de algas potencialmente nocivas, desenvolvida por investigadoras do CSIC.
Para saber máis, preme aquí.
Imaxe: Andrés Simón Gómez
A sardiña (Sardina pilchardus) é un peixe azul de pequeno tamaño, alongado e esvelto, de cor azul verdoso e ventre prateado. Aporta proteínas de alto valor biolóxico e ácidos graxos Omega3, entre outras propiedades nutricionais.
Na pasada edición do Salón Salimat, Emma Pinal de Gastrobar O Birrán de Ribadavia en Ourense elaborou a preparación Sardiñas marinadas, queixo Cebreiro e mazá. Podes acceder á receita aquí.
Del 8 a 11 de junio se celebró en Silleda una nueva edición del Salón Alimentario del Atlántico – SALIMAT A BANCA, uno de los principales foros y puntos de encuentro del sector agroalimentario a nivel nacional y referente en el noroeste peninsular. La Consellería do Mar estuvo presente, como todos los años, con un stand institucional y una sala de catas donde se degustaron productos certificados por el sello pescadeRías, ¿de onde se non?.
Las preparaciones, en las que se utilizaron escupiña grabada, almeja babosa, sardina, choco, jurel, sargo, zamburiña, caballa, navaja, lubina y algas, fueron llevadas a cabo por los/as cocineros/as Emma Pinal (Gastrobar O Birrán, Ribadavia) y Maica Couto y Diego Domínguez (A Ostrería – Nave 5, Santiago de Compostela). Asimismo, la Cofradía de Pescadores de Portosín y Frigoríficos Rosa de los Vientos, S.L., ambas entidades certificadas por el sello pescadeRías, contaron con stand en el evento. Pincha aquí para ver un vídeo.