Formación a axentes certificados

Publicado el por purificacion.alfonso@ardoraformacion.com

Seguimos formando en materia de Análise de Perigos e Puntos de Control Críticos -APPCC ao persoal das entidades certificadas. En setembro tivemos sesión formativa con Enrique Freire, asistencia técnica da Confraría de Pescadores de Barallobre.

A formación de todo o persoal implicado na cadea mar-industria é fundamental para que a trazabilidade dos produtos do mar sexa efectiva. O equipo de xestión da marca imparte formación ao persoal dos axentes certificados para que poidan manter a trazabilidade dos produtos do mar que comercializan e cumprir cos requirimentos de xestión da marca pescadeRías de onde se non?

Consúltanos!

Entidades certificadas

Publicado el por purificacion.alfonso@ardoraformacion.com

No mes de setembro a empresa de transformación Real Conservera Española S.L. recertificouse para peixes, bivalvos e equinodermos. Ademais, leváronse a cabo as auditorías de seguimento de ABSA Burela S. A., co alcance de cefalópodos,  e da Confraría de Pescadores de Pontedeume para bivalvos.

As auditorías de seguimento teñen lugar durante o período de vixencia do certificado, co fin de comprobar o correcto funcionamento do sistema de trazabilidade e xestión da marca por parte da entidade. As auditorías de recertificación lévanse a cabo para renovar a vixencia do certificado, que caduca aos cinco anos.

Novo restaurante adherido: Alberte

Publicado el por purificacion.alfonso@ardoraformacion.com

Damos a benvida ao restaurante Alberte, que acaba de adherirse á marca. Da man de Alberte Gutiérrez, este restaurante ubicado en Vigo é unha homenaxe aos sabores do mar galego, cunha especial énfase nas delicias procedentes das lonxas de Aldán e A Guarda, aínda que non son as únicas que visitan para seleccionar os produtos máis frescos e de tempada.

A brasa xoga un papel fundamental na súa cociña, realzando os sabores naturais dos peixes e mariscos.

Este ano recibiron unha mención na Guía Michelin, que podes consultar aquí.

A especie do mes: pancho bicudo

Publicado el por purificacion.alfonso@ardoraformacion.com

O pancho bicudo (Pagellus acarne) é un peixe emparentado co ollomol (Pagellus bogaraveo) e a breca (Pagellus erythrinus), todos eles pertencentes ao xénero Pagellus.

Ten un corpo alongado e algo comprimido, co dorso de cor rosada, e o ventre prateado, cunha pinta negra na base das aletas do peito. A parte interna da boca é de cor laranxa intensa. O perfil superior da cabeza está deprimido á altura dos ollos, que son dun tamaño medio.

Para ampliar a información sobre esta especie, preme aquí.

Aperturas e peches

Publicado el por purificacion.alfonso@ardoraformacion.com

O 1 de outubro comezou a campaña do ourizo (Paracentrotus lividus), santiaguiño (Scyllarus arctus) e peneira (Haliotis tuberculata).

A extracción de ourizo comezou nas confrarías da provincia de Pontevedra que teñen plan de explotación para este recurso, mentres que as confrarías das provincias de A Coruña e Lugo empezarán en novembro e decembro. O santiaguiño poderá capturarse ata o 5 de xaneiro. Comezou tamén a campaña nos bancos de libre marisqueo de Arousa e está previsto que o 14 de outubro arranque na Ría de Muros e Noia.

Por outra banda, o 30 de setembro pechou a campaña da lagosta (Palinurus elephas) e o 31 de outubro está previsto o peche da campaña de pesca con boliche.

As mareas equinocciais de setembro

Publicado el por purificacion.alfonso@ardoraformacion.com

O pasado mes de setembro tivemos unhas mareas vivas excepcionais. Coincidindo co cambio de estación, a posición en liña do sistema Sol-Terra-Lúa provocou grandes amplitudes de marea.

Entre o 17 e o 21 de setembro houbo secas excepcionais, nas que se descubriron zonas que normalmente non están accesibles para o marisqueo a pé, e tamén preamares nas que o nivel de auga puxo a liña de flotación dos barcos a nivel do peirao nalgunhas vilas costeiras.

Por que se producen as mareas? Por que as baixamares e as preamares non son todas iguais? Por que teñen unha periodicidade concreta?

Contámoscho aquí.

A receita do mes

Publicado el por purificacion.alfonso@ardoraformacion.com

Este mes a receita da nosa sección é unha elaboración mar e montaña apta para persoas vexetarianas. Si, vexetariana e con produtos do mar, porque un dos ingredientes protagonistas, que lle imprime o carácter mariño, é a alga wakame (Undaria pinnatifida).

Esta elaboración foi unha das favoritas do público asistente ao Obradoiro de cociña con Algas e Mariscos organizado pola OPP20 Illa de Arousa. O Obradoiro foi impartido por Mariví Otero, cociñeira do Chiringuito Coco Bao da Illa de Arousa, quen nos proporcionou esta receita de pani puris recheos de bechamel de alga wakame e cogomelos portobello.

Podes ver a receita completa aquí.

pescadeRías de onde se non? participará na campaña Galicia sabe Amar nas prazas de abastos

Publicado el por purificacion.alfonso@ardoraformacion.com

A partir do 16 de outubro volven as accións promocionais da marca pescadeRías de onde se non? ás prazas de abastos, no marco da campaña Galicia sabe Amar.

Os obxectivos das actividades son os seguintes:

  • Dar a coñecer os produtos da pesca artesanal entre as persoas consumidoras.
  • Fomentar o consumo dos produtos da pesca artesanal.
  • Poñer en valor os beneficios dos produtos do mar na saúde.
  • Dar a coñecer especies menos coñecidas, co fin de diversificar o consumo de produtos do mar.
  • Amosar o proceso de comercialización dos produtos do mar.
  • Visibilizar a importancia da trazabilidade nos produtos do mar.
  • Coñecer diferentes preparacións dos produtos do mar de tempada.
  • Poñer en valor os oficios do mar.

As actividades inclúen:

  • Visita guiada á praza de abastos.
  • Información sobre etiquetado, trazabilidade e seguridade alimentaria.
  • Obradoiro práctico de identificación de especies ou tallas mínimas.
  • Demostración de cociña con información sobre aspectos nutricionais, corte e fileteado, puntos de cocción e consellos de elaboración.
  • Cata de produtos.

Contarase coa experiencia e visión dos profesionais do comercio minorista que informarán sobre as especies que comercializan e a limpeza, manipulación e presentación dos produtos.

Comezamos o 16 de outubro na Praza de Abastos de A Estrada. Consulta aquí o programa de actividades e inscríbete!

pescadeRiasdeondesenon.cmrm@xunta.gal

 Tel. 986 02 08 99

Segue as nosas redes sociais para coñecer as vindeiras datas e lugares das actividades.

Entrega de premios del sorteo de verano

Publicado el por purificacion.alfonso@ardoraformacion.com

Las premiadas de nuestro sorteo de verano en Facebook, Marisol Salgueiro y Mari Carmen Blandón, compartieron con nosotros las imágenes de la recepción de sus premios.

Recibieron un lote de merchandising de la campaña Galicia sabe amar y de la marca pescadeRías de onde se non? compuesto de bolsa-mochila, mandil, botella, plato, abanico, libro de recetas, libreta, bolígrafo, abrebotellas, llavero, bolsa de algodón, identificador de maletas, bloc de notas y pegatinas.

Deseamos que disfruten cocinando y degustando pescados y mariscos de la pesca artesanal gallega equipadas con sus regalos.

Enhorabuena a las dos!

Gala a beneficio de la AECC

Publicado el por purificacion.alfonso@ardoraformacion.com

El sábado 10 de agosto tuvo lugar en el emblemático Eurostars Gran Hotel La Toja 5* la celebración de la Gala Benéfica a favor de la Asociación Española Contra el Cáncer (AECC) que organiza el Grupo Hotusa.

Este evento, que se celebra cada año, tiene como objetivo la recaudación de fondos para apoyar la financiación de proyectos de investigación oncológicos y contribuir a erradicar esta enfermedad.

El menú fue elaborado por el chef ejecutivo del hotel, Enrique Martínez Monteagudo. Asistieron 166 personas, entre ellas, personalidades del mundo de la cultura, de la política y de la empresa que pudieron degustar productos de la marca de la pesca artesanal pescadeRías de onde se non?, bonito del Norte y merluza de Burela.