Just another WordPress site
Chema García, de El Faro Gastronómico, nos trae una receta con uno de sus pescados favoritos, tanto en fresco como en conserva: la caballa, que además es uno de los productos destacados de la pesca artesanal gallega. Se trata de una receta sencilla de caballa con curry fresco y ensalada de rúcula.
El ingrediente principal es la caballa en conserva, acompañada de una salsa deliciosa y fresca que le da el toque final al plato.
Puedes ver la receta aquí.
A Consellería do Mar acudirá á X edición do Galicia Fórum Gastronómico que se celebrará na Coruña do 23 ao 25 de marzo. O stand institucional contará con sala de cata para actividades de promoción de produtos certificados e cun espazo para dez empresas coexpositoras, das que dúas son entidades certificadas pola marca pescadeRías de onde se non?: Porto-Muiños, S.L. e Costas y Miñán S.L.
Ademais, na aula taller do Fórum celebrarase unha sesión con produtos da marca a cargo de Dani López, do restaurante O Camiño do Inglés de Ferrol, o martes 25 de marzo.
A Consellería do Mar asistirá á 50ª edición da Feira Foodex Japón 2025, que se celebrará en Tokio do 11 ao 14 de marzo con 6 empresas coexpositoras, das que dúas son entidades certificadas pola marca pescadeRías de onde se non?: Conservas Portomar S.L.U. e Costas y Miñán S.L. A presenza da Consellería do Mar neste evento enmárcase nunha colaboración con ICEX España Exportación e Inversiones.
Tamén estará presente en Boston na Seafood Expo North América 2025 co stand institucional de Galicia e 16 empresas coexpositoras.
O 3 de febreiro comezou a campaña de extracción de vieira na Ría de Pontevedra. Participan un total de seis barcos das Confrarías de Pescadores de Bueu, Aldán-Hío e Raxó que poden extraer conxuntamente ata 1500 kg ao día.
As Confrarías de Pescadores de Cangas e Redondela comezaron a extracción de vieira na Ría de Vigo o 19 de febreiro. Participan 6 embarcacións e o tope máximo conxunto por día é de 1000 kg.
En ámbalas dúas campañas, o produto é eviscerado e comercializado por Porto de Cambados, S.L., empresa certificada por pescadeRías de onde se non?
Continuamos a sección Tripulación pescadeRías con Manuel Tomás Abal, poxador da Confraría de Pescadores de Ribeira.
Como é o día a día nunha lonxa de peixe e marisco? Que funcións ten un poxador? Manuel cóntanolo de primeira man desde un dos portos pesqueiros máis importantes de Galicia. Coñeceremos en que consiste o seu traballo diario na Lonxa de Ribeira, onde cada día se descargan peixes e mariscos procedentes da pesca artesanal galega, que despois atoparemos nos mercados de toda Galicia e tamén noutros puntos de España.
Podes ver o vídeo aquí.
A peneira (Haliotis tuberculata) é un molusco gasterópodo coa cuncha en forma de orella, de cor parda escura, cunha espiral pequena e unha última volta notablemente grande. A cuncha é resistente, co interior nacarado e sete orificios dispostos en liña.
Habita sobre substratos rochosos, desde o intermareal inferior ata profundidades superiores aos 40 m, aínda que é máis abundante entre os 3 e os 10 m de profundidade. En Galicia, distribúese pola zona media e externa das rías. Aliméntase principalmente de macroalgas e microalgas.
Podes ampliar a información aquí.
Este mes damos a benvida a dúas novas peixerías, la Pescadería de mi Barrio e a Peixaría Oia.
La Pescadería de Mi Barrio atópase no mercado de Teis, en Vigo. Comercializa produtos da pesca artesanal que adquire a diferentes provedores certificados. Un dos seus obxectivos é achegar o mercado tradicional á cidadanía. Realiza servizos a domicilio no concello de Vigo e envíos a toda a península.
A Peixaría Oia está situada no concello de Oía. A clientela pode atopar no seu punto de venda produtos de proximidade procedentes das confrarías da contorna, principalmente da lonxa de A Guarda.
Durante o mes de febreiro leváronse a cabo auditorías de seguimento nas seguintes entidades:
As empresas distribuidoras Pulponor S. Coop. Galega e Pescados Pulponor S.L. tiveron auditoría de recertificación da marca con alcance de cefalópodos e peixes.
No mes de febreiro impartiuse formación en hixiene e manipulación de alimentos a tres entidades certificadas: Mariscos Comesaña S.L., Lonxa de Sada e Lonxa de Cambados.
A formación en Mariscos Comesaña S.L. estivo dirixida ao persoal da empresa co obxectivo reforzar os coñecementos e as boas prácticas esenciais para garantir a seguridade, trazabilidade e a calidade dos produtos do mar.
Nas confrarías de Sada e Cambados participou o persoal responsable de garantir a trazabilidade e as boas prácticas de manipulación dos productos da pesca.
Frigoríficos Moldes S.L., con sede en Pontevedra é unha empresa conxeladora fundada no ano 1967.
Esta empresa transformadora está certificada pola marca pescadeRías de onde se non? desde xullo de 2015 co alcance de cefalópodos. A principal especie é o polbo procedente da pesca artesanal galega, que adquire en diferentes lonxas. A certificación é unha garantía de calidade e orixe para a súa clientela.
Subministran unha ampla gama de produtos conxelados ao canal Horeca, ás cadeas de supermercados e colectividades baixo a súa marca ”La Marina”.
