Autor: purificacion.alfonso@ardoraformacion.com

Durante o mes febreiro, a depuradora de Boiro Mariscos Camino, S.L., acadou a certificación no selo pescadeRías, ¿de onde se non? para a comercialización de bivalvos.

Por outra banda, a lonxa de Testal e o centro de venta de O Freixo, ambos xestionados pola Confraría de Pescadores «San Bartolomé» de Noia, con alcance para bivalvos, así como a lonxa da Confraría de Pescadores de Carreira-Aguiño, con alcance para bivalvos, equinodermos e crustáceos, manteñen a súa certificación tras pasar unha auditoría de seguemento.

Entre o Castro de Mallou e a praia de Carnota, atópase o restaurante A´Morosa, que acaba de adherirse ao selo pescadeRías, ¿de onde se non?.

No mesmo edificio, a peixería Mar da´Morosa, ofrécenos unha grande variedade de peixes e mariscos procedentes principalmente das lonxas de Lira, Muros, Fisterra e Noia, nunha clara aposta polo produto procedente da pesca artesanal e de cercanía. Desde a súa tenda on line realizan envíos a toda a península. Podes consultar toda a información na súa paxina web.

A Consellería do Mar convoca 15 novos permisos de explotación para marisqueo a pé na confraría de pescadores de Moaña e 10 na de Raxó, no concello de Poio. Podes consultar as convocatorias na páxina web da Consellería. O prazo de presentación de solicitudes é de 15 días hábiles, despois da súa publicación no taboleiro de anuncios da Xefatura Territorial e na páxina web da Consellería do Mar. As solicitudes serán estudadas e baremadas, segundo recolle a Resolución do 12 de novembro de 2013 da Dirección Xeral de Desenvolvemento Pesqueiro pola que se aproba o baremo para obter o permiso de explotación para o marisqueo a pé.

En febreiro, impartimos formación sobre sistemas APPCC ao equipo responsable do sistema de xestión da Depuradora de Mariscos de Suevos S.A. (Arteixo), certificada polo selo pescadeRías, ¿de onde se non? para a comercialización de bivalvos.

Un dos requisitos esixidos pola marca é que os establecementos conten cun sistema APPCC implantado, garantindo así o cumplimento de todos os requisitos hixiénico-sanitarios establecidos pola lexislación vixente.

A extracción de ourizos realízase normalmente de novembro a abril, estando agora na mellor época de consumo, por ser cando acadan o maior índice gonadal.

O chef ourensán Miguel González, propietario do Hotel Rústico San Jaime, realízanos unha exquisita proposta con intenso sabor a mar de Ourizo de mar con crema tostada de alloporro e ramallo de mar,  elaborada durante a 20º Edición da Feira Internacional de Turismo Gastronómico de Ourense, Xantar.

Preme aquí para ver a receita.