Mes: septiembre 2020

Así titula Jorge Hernández Urcera a foto dunha femia de polbo depositando os dous primeiros acios de ovos no teito da súa guarida. Esta femia poñerá uns 200 acios de ovos, o que significa unha posta total duns 250.000 ovos. A eclosión dos pequenos polbos (3 mm) producirase uns 4 meses despois do inicio da posta. Durante os 4 meses, a femia protexerá, limpará e osixenará os ovos. Xusto despois da eclosión, a femia morrerá.

Herdeiros dunha longa tradición familiar, no Restaurante O Bruño, recentemente adherido ao selo pescadeRías, apostan por unha cociña tradicional mariñeira, elaborada cos mellores produtos procedentes das lonjas de baixura da contorna.

Ubicados preto do paseo marítimo de Cangas do Morrazo, contan ademais con servizo de reparto a domicilio.

Ata o 15 de decembro, pódense solicitar as Axudas destinadas aos familiares dos profesionais do mar falecidos no exercicio da súa actividade para o ano 2020.

Tamén continúa aberto ata o 1 de marzo de 2021, o prazo para a solicitude de Axudas autonómicas para proxectos ao abeiro das Estratexias de Desenvolvemento Local Participativas, correspondente á convocatoria de 2019, tanto para investimentos produtivos como non produtivos.

Tal e como recomendan moitos organismos oficiais, o consumo habitual de produtos pesqueiros ten unha grande importancia como parte dunha dieta sana e equilibrada, tanto en persoas adultas como en nenos e nenas.

Premendo aquí podes acceder a un artigo no que descubrirás os aspectos nutricionais máis destacados dos produtos frescos ou en conserva procedentes da pesca artesanal e do marisqueo.

O pasado mes de setembro comezou a campaña do berberecho de Noia. No mercado podemos atopalo fresco ou en conserva, certificado polo selo pescadeRías, ¿de onde se non?.

Este mes propoñemos a receita Berberechos con cogomelos, laranxa e alioli de alfábega publicada no libro “Entre latas e tixolas, cociña creativa con conservas de peixe e marisco” de Anfaco-Cecopesca e a Xunta de Galicia. Podes vela premendo aquí.