Con máis de 75 anos de traxectoria, Mariscos Malliño S.L. é unha empresa familiar galega dedicada desde 1948 á distribución e comercialización de mariscos. Unha longa experiencia ligada ao mar e ao coñecemento do produto, coa calidade e a orixe como piares da súa actividade.
Desde 2013 está certificada por pescadeRías de onde se non? como depuradora e distribuidora de bivalvos. A certificación permite identificar e acreditar a procedencia dos produtos amparados pola marca e garantir a súa trazabilidade ao longo da cadea de comercialización.
Unha empresa con décadas de experiencia que mantén o seu compromiso co produto galego e cunha comercialización responsable.