Os días 5 e 6 de novembro, a Rede Española de Mulleres no Sector Pesqueiro celebrou en Xixón o seu 6º Congreso Nacional, organizado polo Ministerio de Agricultura, Pesca e Alimentación, baixo o título «pola Igualdade na Pesca».
O Congreso contou con mesas redondas e obradoiros sobre distintas temáticas de interese para as mulleres do sector. Deuse protagonismo á iniciativa empresarial feminina, a través de recoñecementos a asociacións de mulleres do sector en ámbitos como o desenvolvemento de novos produtos e servizos, o medio ambiente, a diversificación, a inclusión social ou á promoción do liderado e empoderamento feminino.