Conforme se recolle na RESOLUCIÓN do 13 de xuño de 2019 pola que se aproba o plan de xestión da centola e do boi 2019-2020, estas dúas especies poderán comezar a ser extraídas a partires do vindeiro 10 de novembro entre a desembocadura do Miño e o Cabo de Estaca de Bares. A veda continúa dende este punto ata o Río Eo ata o 1 de decembro.
En canto aos peches, o 31 de outubro, rematou o período autorizado para a pesca da anguía, conforme se establece nos Plans de Xestión para esta especie.