Existe unha clasificación do peixe relacionada co seu contido en graxa: azul ou graxo, semigraxo e branco ou magro. Este contido varía segundo a época do ano e factores intrínsecos ao peixe (idade, sexo, alimentación, época de reprodución, etc).
Considéranse peixes graxos, aqueles cunha proporción de graxa superior ao 10%, semigraxos cando o contido está entre o 5 e o 10% e magros cando é inferior ao 5%. Lembra que a graxa do peixe está composta por ácidos graxos insaturados omega3, tan importantes para a saúde.