Na cidade de Vigo o restaurante La Candela ofrece na súa carta produtos procedentes da pesca artesanal nun ambiente ecléctico, con pequenos recunchos íntimos e agradables nos que sentirse como na casa. Tamén na cidade olívica, a carón da praia de Samil, en Marina Cíes Beach Club ofrecen tres tipos de cociña: tradicional, de autor e cociña xaponesa, así como servizo de comida para levar, todo elo elaborado con produtos frescos de mercado.
Pola súa banda na cidade de Ferrol, o restaurante D´tapas Café Bar ofrece no seu menú produtos frescos procedentes da pesca artesanal da lonxa desta localidade.