pescadeRías Newsletter

Un dos requisitos esixidos pola marca pescadeRías, ¿de onde se non?, é a axeitada formación de todo o persoal manipulador dos produtos certificados.

O equipo técnico de pescadeRías continúa impartindo formación en materia de Manipulación de Produtos Pesqueiros e Sistemas de Análise de Perigos e Puntos de Control Crítico (APPCC). As entidades que recibiron formación nestas materias foron o persoal de Conservera Gallega, as mariscadoras, mariscadores e persoal técnico da Agrupación de Mariscadoras Río Anllons e o persoal de lonxa da Confraría de Pescadores de Pontedeume.

Durante o mes de outubro renovaron a súa certificación a Lonxa de Cangas e a Lonxa de Baixura de Vigo.  A Lonxa de Cangas comercializa baixo o noso selo bivalvos, gasterópodos, cefalópodos, peixe, crustáceos,  algas, equinodermos e antozoos. É unha das poucas lonxas certificadas nas que se poden adquirir estes últimos, de recente explotación en Galicia. Tamén realiza etiquetado individual en moitos exemplares de peixe. A Lonxa de Baixura de Vigo pola súa banda, comercializa cefalópodos, peixe e crustáceos. Na lonxa de Vigo tamén se comercializa peixe e marisco procedente doutras lonxas da contorna.

O 27 de outubro tivo lugar a entrega dos I Premios Economía Azul que recoñecen aos mellores proxectos de desenvolvemento sustentable nas zonas costeiras, aos que optaban varias entidades certificadas polo noso selo. Parabéns aos premiados, en especial ás iniciativas Mellora da Gobernanza da Xestión Pesqueira Artesanal no ámbito do Parque Nacional Illas Atlánticas, Empendemar e Xestión das algas recollidas nas accións de limpeza e mantemento dos bancos marisqueiros.

Chegamos aos 8.000 fans na nosa páxina de facebook!! Para celebralo sorteamos un lote de conservas certificadas pescadeRías, ¿de onde se non?, con productos de Los Peperetes, Conservera Gallega, Frinsa, Portomuiños, Mar de Silleiro, Conservas Tradicionais Currimar, Conservas La Brújula e Pandomar.

A agraciada foi Luísa Méndez Castro.  Parabéns!!

Un entrante moi orixinal: percebes e algas xuntos, sabor a mar 100%. Así é a receita que nos propoñen Marco e Ana do blog lacocinaesvida.com. Con esta sinxela preparación, os teus convidados quedarán gratamente sorprendidos. Podes ver a receita completa aquí.

Se queres que publiquemos a túa receita, envíanola por correo-e, indicando ingredientes, elaboración e unha foto.