Do 8 ao 11 de xuño celebrouse en Silleda unha nova edición do Salón Alimentario del Atlántico – SALIMAT A BANCA, un dos principais foros e puntos de encontro do sector agroalimentario a nivel nacional e referente no noroeste peninsular. A Consellería do Mar estivo presente, como todos os anos, cun stand institucional e unha sala de catas onde se degustaron produtos certificados polo selo pescadeRías, ¿de onde se non?.
As preparacións, nas que se utilizaron carneiro, ameixa babosa, sardiña, choco, xurelo, sargo, zamburiña, xarda, navalla, robaliza e algas, foron levadas a cabo polos/as cociñeiros/as Emma Pinal (Gastrobar O Birrán, Ribadavia) e Maica Couto e Diego Domínguez (A Ostrería – Nave 5, Santiago de Compostela). Así mesmo, a Confraría de Pescadores de Portosín e Frigoríficos Rosa de los Vientos, S.L., ambas entidades certificadas polo selo pescadeRías, contaron con stand no evento. Preme aquí para ver un vídeo.