pescadeRías de onde se non? continúa achegando os valores da pesca artesanal galega aos futuros profesionais da hostalaría a través de novas accións formativas.
O alumnado do Obradoiro de Hostalaría do Salnés de Sanxenxo, participou nunha visita á praza de abastos de Portonovo, seguida dunha charla sobre a marca e dun taller práctico para aprender a diferenciar distintas especies de moluscos.
O alumnado do Obradoiro de Hostalaría Marín II, tivo unha sesión dedicada á marca, ás artes de pesca e aos produtos certificados, que se completou cun taller práctico.
Estas actividades permiten achegar ao alumnado coñecementos sobre a orixe, a trazabilidade e a identificación dos produtos pesqueiros.