pescadeRías Newsletter

Ata o 25 de febreiro, os pescadores tripulantes de buques pesqueiros, poden solicitar Axudas destinadas á primeira adquisición dun buque de pesca.  Entre outros requisitos, a persoa solicitante deberá ter menos de 40 anos, estar de alta no réxime dos traballadores do mar e ter traballado, cando menos, cinco anos como pescador ou ter a titulación profesional exixida segundo o tipo de embarcación que se vai adquirir; o buque que adquira ten que estar operativo, ter unha eslora total inferior a 24 m, entre 5 e 30 anos de antigüidade, estar equipado para a pesca mariña e pertencer a un segmento de frota que no informe de capacidade pesqueira, vixente no momento da solicitude, amose equilibrio coas posibilidades de pesca.

Contamos con tres novas entidades adheridas ao selo pescadeRías, ¿de onde se non?: Peixes Niki, Peixes Lano e Pescados Raúl y Susa. Están ubicadas no mercado da Magdalena de Ferrol, no emblemático edificio modernista coñecido como «La Pescadería», obra do arquitecto Roberto Ucha. Benvidos!

A Lonxa de A Illa de Arousa, certificada para bivalvos e algas, ampliou o seu alcance de certificación a antozoos. Aquí podes ver un vídeo que amosa o proceso de extracción a mergullo das ortiguillas (Anemonia viridis) na Ría de Arousa. Foi gravado por Fran Paz Castro e Víctor Otero Outeda.

Moitas grazas!

O 31 de xaneiro comezou o prazo para a solicitude por parte de confrarías de pescadores das Axudas autonómicas para proxectos colectivos de modernización de infraestruturas dos portos pesqueiros, lonxas e lugares de desembarque para mellorar a calidade, incrementar o control e rastrexabilidade dos produtos desembarcados, eficiencia enerxética e mellorar a seguridade e as condicións de traballo. Prazo ata o 28 de febreiro.

Publicada a Resolución do 21 de decembro de 2018 da Dirección Xeral de Desenvolvemento Pesqueiro, pola que se convocan exames ordinarios de carácter libre para as titulacións de mariñeiro/a pescador/a, patrón/patroa local de pesca e patrón/patroa costeiro/a polivalente na Comunidade Autónoma de Galicia para o ano 2019.  

Matrícula aberta ata o 22 de febreiro.

Héctor López, chef do Restaurante España en Lugo, ensínanos a preparar un fantástico sashimi de robaliza. Podes consultar os pasos para a súa elaboración premendo aquí.

A receita foi presentada durante as II Xornadas de Promoción e Difusión dos Produtos do Mar de Galicia, Do Mar ao Prato. Fotografía de MARGEN FOTOGRAFIA.