O sábado 9 de agosto celebrouse no Gran Hotel de La Toja a tradicional gala benéfica organizada pola Asociación Española Contra o Cancro (AECC), un evento solidario que reuniu a numerosas persoas comprometidas coa causa.
A cita contou cunha degustación de navallas e polbo procedentes da pesca artesanal galega e certificados pola marca pescadeRías de onde se non?
O apoio á investigación e á loita contra o cancro foron os protagonistas deste evento anual, que no seu décimo aniversario volveu converterse nun espazo de encontro, compromiso social e solidaridade.
Marta Franco, armadora de artes menores e socia da Confraría de Vigo, únese á tripulación de pescadeRías de onde se non? para compartir connosco a súa vida no mar.
Nesta reportaxe danos a coñecer as especies que captura, as artes coas que traballa, e os labores asociados á súa actividade. Ademais, amósanos como se pesca ao boliche, un arte tradicional e respectuosa co mar. Unha testemuña que pon en valor a pesca artesanal galega e a entrega das persoas que a fan posible.
Preme aquí e acompáñanos nesta travesía coa tripulación pescadeRías.
A Consellería do Mar publicou a convocatoria de axudas para fomentar a remuda xeracional no sector pesqueiro, cofinanciadas polo Fondo Europeo Marítimo, de Pesca e de Acuicultura (FEMPA). O obxectivo é facilitar o embarque do alumnado de ciclos formativos náutico-pesqueiros, de xeito que se lles ofrece a oportunidade de realizar prácticas a bordo que melloren as súas capacidades profesionais e impulsen a súa incorporación ao sector.
Así mesmo, a liña de axudas pretende busca apoiar ás persoas armadoras, coa compensación de parte dos gastos derivados da acollida destes estudantes.
Este mes a especie protagonista é o longueirón vello (Solen marginatus). Trátase dun molusco bivalvo de cuncha alongada e brillante que destaca pola súa calidade e valor gastronómico. Presente nos fondos areosos e lamacentos das rías, captúrase principalmente a mergullo, e tamén a pé nas baixamares vivas. A técnica de extracción, individuo a individuo, é selectiva e sostible.
Cun baixo contido en graxa e rico en proteínas, vitaminas e minerais, o longueirón é unha excelente opción para unha dieta equilibrada. Na cociña, resulta versátil e saboroso, e admite múltiples elaboracións tradicionais.
A Confraría de Pescadores de Sada forma parte da marca de calidade pescadeRías de onde se non? desde o ano 2008. A súa actividade principal céntrase na comercialización de peixe azul procedente da flota do cerco, coa sardiña como principal recurso.
A certificación abrangue a lonxa, como punto de primeira venda, e a actividade de distribución, e inclúe os grupos biolóxicos de peixes, crustáceos e cefalópodos.
A confraría dispón dun punto de venda directa ao consumidor na lonxa de Sada e tamén dunha tenda online que realiza envíos á Península Ibérica.
O artigo deste mes está asinado por Carlos Mariño, asistencia técnica da Confraría de Pescadores San Antonio de Cambados, e por Jesús A. Fernández Barreiro, biólogo da Xefatura Comarcal da Consellería do Mar en Carril.
Os autores presentan un estudo centrado na relación talla-peso do ameixón (Callista chione), un recurso que gaña presenza e valor tanto nas lonxas como nas mesas galegas. A análise deste parámetro permite coñecer o estado dos bancos marisqueiros e garantir unha explotación sostible.
A cociñeira Nair González, do restaurante Muelle 43, tráenos a súa versión do tradicional polbo á mugardesa, unha das elaboracións máis emblemáticas da tradición mariñeira galega, nacida no porto de Mugardos e estendida co tempo a moitas mesas da toda Galicia.
Esta receita, sinxela na súa base pero chea de personalidade, é froito da sabedoría popular das xentes do mar, que souberon aproveitar un produto tan noso como o polbo para crear un prato inconfundible. Co seu punto xusto de pemento, cebola e aceite, mantén un carácter recoñecible que transmite memoria colectiva e identidade.
Desde pescadeRías, de onde se non? queremos agradecer aos nosos seguidores e seguidoras o seu apoio á pesca artesanal galega.
E para iso sorteamos dous lotes -un en Facebook e o outro en Instagram- con agasallos exclusivos da marca pescadeRías de onde se non? e da campaña Galicia sabe Amar que che farán levar o espírito do mar alí onde vaias.
O pack inclúe: Cunca, mandil, paraugas plegable, calcetíns, bolsa de alimentos, táboa de cociña, libro de receitas con conservas, báscula de cociña, paleta de cociña, fiambreira e pano de cociña.
Como participar?
En Facebook 1️⃣ Segue a nosa páxina. 2️⃣ Dálle Gústame á publicación principal. 3️⃣ Comenta cal é o teu agasallo favorito do lote que sorteamos.
En Instagram 1️⃣ Segue a nosa páxina. 2️⃣ Dálle Gústame á publicación principal. 3️⃣ Comenta etiquetando a esa persoa coa que compartirías mar, peixe e alegría!
Podes participar ata o 16 de setembro ás 23:59 horas. Sorteo válido para territorio español (Excepto Canarias e as cidades autónomas de Ceuta e Melilla).
En los diez primeros meses del año 2025, las cofradías gallegas comercializaron 390.231* kilos de algas, recogidas mayoritariamente a buceo, un arte selectivo y respetuoso con el medio marino que garantiza la sostenibilidad del recurso. *Fuente: Plataforma Tecnolóxica de Galicia (pescadegalicia.gal)
La lonja de A Illa de Arousa lidera la comercialización de algas con cerca del 71% de las ventas totales, seguida por las lonjas de A Coruña, Corcubión, O Grove, Camelle, Aldán-Hío y Camariñas. A estas cifras hay que añadir las algas extraídas directamente por las empresas transformadoras, que en años anteriores representaron aproximadamente un tercio del volumen global registrado. La modalidad de extracción a buceo permite preservar los ecosistemas litorales y asegurar la continuidad de una actividad que, año tras año, gana mayor relevancia.
Las algas gallegas destacan no solo por su valor gastronómico y nutricional, sino también por su potencial económico, al reforzar el papel de la pesca artesanal en la diversificación y en el aprovechamiento responsable del mar. Actualmente, son siete las cofradías certificadas por la marca pescadeRías de onde se non?, a las que se suman dos empresas transformadoras: HQ Seaweed, que comercializa bajo la marca Capitán Alga y Porto Muiños, especializada en algas frescas, deshidratadas y en conserva.
Este conjunto de agentes garantiza una oferta de algas de origen certificado, frescas y de calidad contrastada, y contribuye a la consolidación de un sector emergente que sitúa a Galicia como referente internacional en la producción y comercialización de algas marinas.
Nos dez primeiros meses do ano 2025 as confrarías galegas comercializaron 390.231 quilos de algas*, recollidas maioritariamente a mergullo, unha arte selectiva e respectuosa co medio mariño que garante a sostibilidade do recurso. *Fonte: Plataforma Tecnolóxica da Pesca (pescadegalicia.gal)
A lonxa da Illa de Arousa lidera a comercialización de algas con preto do 71% das vendas totais, seguida polas lonxas da Coruña, Corcubión, O Grove, Camelle, Aldán-Hío e Camariñas. A estas cifras hai que engadir as algas extraídas directamente polas empresas transformadoras, que en anos anteriores representaron aproximadamente un terzo do volume global rexistrado. A modalidade de extracción a mergullo permite preservar os ecosistemas litorais e asegurar a continuidade dunha actividade que, ano tras ano, gaña maior relevancia.
As algas galegas destacan non só polo seu valor gastronómico e nutricional, senón tamén polo seu potencial económico, reforzando o papel da pesca artesanal na diversificación e no aproveitamento responsable do mar. Actualmente, son sete as confrarías certificadas pola marca pescadeRías de onde se non?, ás que se suman dúas empresas transformadoras: HQ Seaweed, que comercializa baixo a marca Capitán Alga, e Porto Muiños, especializada en algas frescas, deshidratadas e en conserva.
Este conxunto de axentes garante unha oferta de algas de orixe certificada, frescas e de calidade contrastada, contribuíndo á consolidación dun sector emerxente que sitúa Galicia como referente internacional na produción e comercialización de algas mariñas.
