Outubro chega cunha intensa axenda feiral para o sector do mar galego, con presenza en destacados encontros nacionais e internacionais. Entre eles sobresae Conxemar 2026, en Vigo, unha cita clave para a comercialización e promoción dos produtos do mar. O espazo institucional da Xunta de Galicia contará con 16 empresas e entidades, entre as que se atopan cinco entidades certificadas por pescadeRías de onde se non?: Mariscos Daporta S.L., El Percebeiro S.L., Porto-Muiños S.L., HQ Seaweed S.L. e a Confraría de Pescadores Santiago Apóstol de Barallobre.
A presenza dos produtos da pesca artesanal estenderase a outras citas profesionais. En San Sebastián Gastronomika estarán a Organización de Produtores Pesqueiros de Noia (OPP Noia) e Marítima de Hoteles y Restaurantes S.L.; mentres que no Fórum Gastronómico de Barcelona participarán El Percebeiro S.L., Costas y Miñán S.L., Marítima de Hoteles y Restaurantes S.L. e a Confraría de Pescadores Santiago Apóstol de Barallobre.
En Gastrónoma Valencia, estarán Costas y Miñán S.L. e a Confraría de Pescadores Santiago Apóstol de Barallobre. Pola súa banda, SIAL París contará coa participación de Porto-Muiños S.L., Costas y Miñán S.L., Conservas Portomar S.L.U. e Conservas La Brújula S.L. A proxección internacional do sector completarase coa participación na China Fisheries & Seafood Expo.
Estas citas constitúen un importante escaparate para os produtos da pesca artesanal galega: contribúen a poñer en valor a súa orixe, frescura e trazabilidade e introdúceos a novos mercados e profesionais do sector.
