A Consellería do Mar participará no Fórum Gastronómico que se celebrará en A Coruña do 7 ao 9 de abril. Están confirmadas como coexpositoras tres entidades certificadas pola marca pescadeRías de onde se non?: Porto-Muiños, S.L.; a Confraría de Pescadores San Andrés de Portosín e a Confraría de Pescadores Santiago Apóstol de Barallobre.
O stand institucional contará cunha sala de cata onde se levarán a cabo, entre outras actividades, varios showcooking que terán como protagonistas os produtos do mar certificados. A cargo dunha destas degustacións guiadas estará o cociñeiro Fernando «Caco» Agrasar, do Restaurante As Garzas de Malpica.