A Organización de Produtores Pesqueiros OPP-95 Noia superou recentemente o proceso de auditoría inicial e quedou certificada como entidade usuaria da marca de calidade pescadeRías de onde se non? para a xestión da depuradora de bivalvos de Testal, en Noia.
A OPP-95 Noia foi creada pola Confraría de Pescadores de Noia co obxectivo de reforzar a xestión colectiva da actividade pesqueira e a comercialización dos seus produtos, e asume agora a xestión da depuradora, anteriormente a cargo da confraría.
A certificación da OPP-95 garante a continuidade dos criterios de funcionamento, control e seguimento esixidos pola marca na xestión das instalacións e na comercialización dos bivalvos.
Rematamos o ano cunha campaña de adhesión de restaurantes á marca pescadeRías de onde se non? nas comarcas de Ferrolterra, A Coruña e Santiago de Compostela, o que reforza a visibilidade dos produtos da pesca artesanal galega no ámbito da restauración.
Agradecemos a súa aposta por dar visibilidade a un produto local con garantía de frescura, orixe e trazabilidade, xunto cunha oferta gastronómica comprometida co territorio e co mar.
O pasado 5 de xaneiro pechouse a campaña da lagosta (Palinurus elephas), a nécora (Necora puber) e o santiaguiño (Scyllarus arctus), tres especies emblemáticas que volverán progresivamente aos mercados ao longo do ano: a lagosta o 1 de abril, a nécora o 1 de xullo e o santiaguiño o 1 de outubro.
Durante a campaña da nécora comercializáronse 81 toneladas, cun valor próximo aos dous millóns de euros. As lonxas de Vigo, A Coruña, Ribeira, O Grove e Cangas concentraron o 65% do volume de primeira venda.
No caso do santiaguiño, nos seus tres meses de campaña capturáronse 850 quilos, cunha facturación de 105.000 euros. O prezo medio en lonxa foi de 123 euros por quilo, acadando máximos de 280 euros.
Recoñecible pola súa cuncha branca de forma oval tirando a triangular, a cornicha (Spisula solida) captúrase principalmente mediante marisqueo a flote co raño, e adoita aparecer asociada á ameixa babosa e á rubia. En determinadas zonas tamén pode recollerse a pé con ganchas.
O seu prezo nos mercados é máis económico que o doutras especies como a rubia, a babosa ou a xapónica, polo que é unha excelente opción para axustar o orzamento da cesta da compra.
Na cociña ofrece múltiples posibilidades: en fresco encaixa perfectamente cunha salsa mariñeira tradicional, en empanada ou guisada con patacas. Tamén resulta moi saborosa acompañando pastas ou fabas.
A Confraría de Pescadores de Carreira – Aguiño, fundada no ano 1924, é unha das entidades históricas do sector pesqueiro galego e un referente na posta en valor dos produtos do mar.
Certificada pola marca pescadeRías de onde se non? desde 2008, a súa certificación abrangue crustáceos, bivalvos e equinodermos. No ano 2025, o principal recurso comercializado por volume foi o ourizo, con 60 toneladas capturadas, seguido da navalla, o percebe e a ameixa babosa. Por importe de vendas, o percebe destacou como o recurso máis relevante, cunha facturación próxima aos 950.000 euros, que representou o 34% da recadación total.
Cada mes de xullo, a confraría organiza a tradicional Festa do Percebe de Aguiño, unha cita clave para achegar este produto de alta calidade ao público.
Achegámonos á evolución das tarefas asociadas ao marisqueo na Ría de Pontevedra a través da experiencia de Andrés Simón, Asistencia Técnica da Lonxa de Campelo AIE, Miguel Prado, patrón da embarcación Lonxa de Campelo, e Iban Cortegoso, mariñeiro da mesma embarcación.
O artigo analiza como a innovación e a mecanización poden convivir cun modelo extractivo tradicional, socialmente sostible e profundamente vencellado ao territorio. A partir do traballo desenvolvido nas confrarías de Pontevedra, Lourizán e Raxó, os autores expoñen retos ambientais, solucións técnicas e resultados concretos que amosan que é posible avanzar sen renunciar á esencia do marisqueo galego.
Este mes achegámonos á cociña da man de Alberto Ribas, creador de contidos de gastronomía e turismo e autor do blog Alvientoooo. Alberto convídanos a preparar unha receita con sabor a mar e moita personalidade: unhas albóndegas de choco que aprendeu do cociñeiro e profesor de cociña Ricardo Fernández.
Apaixonado por experimentar e saír do convencional, Alberto aposta polo choco como un dos seus ingredientes estrela, pola súa versatilidade e pola súa fonda ligazón coa nosa cociña mariñeira. Unha proposta sinxela pero chea de matices, perfecta para poñer en valor os produtos da pesca artesanal galega e gozar do mar na mesa.
En pescadeRías de onde se non? queremos compartir contigo o que nos fai únicos: o traballo honesto da xente do mar e uns produtos que nacen do respecto polo océano e polo saber facer de xeracións enteiras.
Por iso organizamos o sorteo dunha experiencia para dúas persoas que inclúe a visita a unha entidade certificada nas Rías Baixas, onde poderás achegarte á pesca artesanal galega, e unha cata de produtos do mar que falan por si sós.
Un premio para achegarte á orixe, á confianza e á calidade que identifican a pesca artesanal galega.
Participa nas nosas redes sociais (Facebook e Instagram) ata o 14 de xaneiro e descubre por que pescadeRías de onde se non? é sinónimo de mar, territorio e confianza.
Un repaso ás especies que lideraron as lonxas galegas este ano, tanto en volume como en valor económico.
A piques de despedir o ano, traémosche a clasificación dos peixes e mariscos máis capturados en 2025 pola flota artesanal galega. Un resumo perfecto para entender que especies conquistaron as lonxas… e tamén as mesas!
Os peixes volven ser os grandes protagonistas*, tanto polo volume de capturas como por valor económico. Tras deles, sitúanse os bivalvos, os cefalópodos*, os crustáceos, os equinodermos, as algas e os gasterópodos.
Entre os peixes, o peixe azul manda con claridade: sardiña, xurelo, bocarte, xarda e congro encabezan a lista. E se falamos de valor, os catro primeiros repiten e a robaliza adiántase ao congro.
Nos bivalvos, a ameixa xaponesa, o berberecho e a navalla son as especies con maior volume de capturas. Por importe, o podio queda para a ameixa xaponesa, a navalla e a ameixa rubia, mentres o berberecho baixa ao cuarto posto.
Nos cefalópodos, polbo e choco son as estrelas absolutas tanto en volume como en facturación.
E nos crustáceos, centola e percebe lideran as capturas, aínda que, se miramos o valor económico, o percebe colócase por diante.
Gráfico: Volume de primeira venda nas lonxas galegas entre o 1 de xaneiro e o 19 de decembro de 2025.
*O gráfico inclúe o volume de primeira venda en todas as lonxas de Galicia, sen diferenciar as capturas segundo o tipo de pesca. Esta circunstancia non altera a importancia relativa dos distintos grupos biolóxicos en termos de volume de vendas para a flota artesanal galega. Mesmo se se considerasen unicamente as capturas desta frota, a distribución dos grupos biolóxicos en volume de vendas sería moi semellante.
Un repaso a las especies que lideraron las lonjas gallegas este año, tanto en volumen como en valor económico.
A punto de despedir el año, te traemos el ranking de los pescados y mariscos más capturados en 2025 por la flota artesanal gallega. Un resumen perfecto para entender qué especies conquistaron las lonjas… y también las mesas.
Los pescados vuelven a ser los grandes protagonistas*, tanto por el volumen de capturas como por su valor económico. Tras ellos se sitúan los bivalvos, los cefalópodos*, los crustáceos, los equinodermos, las algas y los gasterópodos.
Entre los pescados, el pescado azul manda con claridad: sardina, jurel, bocarte, caballa y congrio encabezan la lista. Y si hablamos de valor, los cuatro primeros repiten y la lubina adelanta al congrio.
En los bivalvos, la almeja japonesa, el berberecho y la navaja son las especies con mayor volumen de capturas. Por importe, el podio queda para la almeja japonesa, la navaja y la almeja rubia, mientras el berberecho pasa al cuarto puesto.
En los cefalópodos, pulpo y choco son las estrellas absolutas tanto en volumen como en facturación.
Y en los crustáceos, centolla y percebe lideran las capturas, aunque, si atendemos al valor económico, el percebe se coloca por delante.
Volumen de primera venta en las lonjas gallegas entre el 1 de enero y el 19 de diciembre de 2025.
*El gráfico incluye el volumen de primera venta en todas las lonjas de Galicia, sin diferenciar las capturas según el tipo de pesca. Esta circunstancia no altera la importancia relativa de los distintos grupos biológicos en términos de volumen de ventas para la flota artesanal gallega. Incluso si se considerasen únicamente las capturas de esta flota, la distribución de los grupos biológicos en volumen de ventas sería muy similar.
