Degustación de produtos da Reserva Mariña de Lira

Publicado el por purificacion.alfonso@ardoraformacion.com

O porto de Portocubelo, en Lira (Carnota), acollerá dúas xornadas de degustación dos produtos da reserva mariña de Lira, certificados pola marca pescadeRías de onde se non?

O sábado 19 de xullo ofreceranse racións de polbo, navallas e percebes, cunha actuación da Agrupación Folclórica Ximiela. O sábado 2 de agosto será a quenda das nécoras e berberechos, acompañados polos Cantos de Taberna Doladosol.

Ademais das racións individuais, tamén se poderá desfrutar dun combinado de produtos. Os horarios de degustación serán de 13:00 a 17:00 e de 20:00 a 23:30 horas.

Unha oportunidade para saborear marisco local con garantía de orixe e sustentabilidade.

Tripulación pescadeRías: Mónica Miranda

Publicado el por purificacion.alfonso@ardoraformacion.com

Na nova entrega de Tripulación pescadeRías coñecemos a Mónica Miranda, compradora de marisco cunha ampla traxectoria na comercialización de produtos da pesca artesanal galega. Acompañámola nunha xornada na lonxa de Muros, un dos centros de primeira venda que visita a diario para adquirir produto destinado a conserveiras e depuradoras. Mónica cóntanos o seu día a día, marcado por un ritmo intenso, comunicación continua coa clientela e un profundo coñecemento das especies comerciais. O seu labor require precisión, axilidade e unha relación directa coas persoas do mar e coas empresas.

A través da súa historia amosamos o traballo esencial das profesionais da comercialización.

Preme aquí para ver o vídeo.

Certificacións

Publicado el por purificacion.alfonso@ardoraformacion.com

En xuño realizáronse as seguintes auditorías de seguimento:

Mariscos Laxe de Rons S.L. renovou a súa certificación como cetaria, distribuidor e transformador para cefalópodos, crustáceos e peixe, que ofrece marisco fresco e tamén listo para o consumo.

Cíes Artesanais S. Coop. Galega, cooperativa de pescadores da ría de Vigo, mantén a súa certificación para a primeira venda de bivalvos, cefalópodos, crustáceos e peixe nas lonxas de Vigo.

Insuapesca S.L., distribuidora instalada no porto de Portosín, renovou certificación en peixe, cefalópodos e crustáceos.

En xuño tamén se realizou a auditoría de certificación inicial da Confraría de Pescadores de Miño para primeira venda de bivalvos.

A entidade do mes: Confraría de Cangas

Publicado el por purificacion.alfonso@ardoraformacion.com

A Confraría de Pescadores San José de Cangas iniciou a súa certificación na marca pescadeRías de onde se non? no ano 2012. Na actualidade, o seu alcance inclúe bivalvos, gasterópodos, cefalópodos, crustáceos, equinodermos, peixe, algas e antozoos.

A súa actividade abrangue a primeira venda en lonxa, a expedición de produtos procedentes de zonas A, a distribución de produto fresco e transformado, así como a venda a consumidor final. Colabora con depuradoras e empresas tamén certificadas para garantir a calidade ao longo de toda a cadea.

En 2023, a confraría lanzou ao mercado a liña gourmet NavalladasCíes, unha conserva artesanal en aceite de oliva con navallas de alta calidade, capturadas polos mergulladores/as da confraría.

A especie do mes: o lumbrigante

Publicado el por purificacion.alfonso@ardoraformacion.com

O lumbrigante galego (Homarus gammarus) é un dos mariscos máis prezados pola súa calidade gastronómica. Vive en fondos rochosos de ata 150 metros, aínda que se localiza sobre todo por debaixo dos 40, e captúrase de forma artesanal con nasas e, ocasionalmente, con artes de enmalle.

É unha especie de crecemento lento e moi voraz. Aliméntase de cefalópodos e pequenos peixes, e destaca polo seu alto valor nutricional: achega proteínas, Omega-3, vitaminas do grupo B e minerais como fósforo, zinc e selenio.

Comercialízase fresco e consúmese principalmente nos meses de verán. Cocido, á prancha ou en arroces, o lumbrigante galego é sinónimo de sabor do mar.

Podes ampliar a información aquí.

O mapa secreto do marisco galego

Publicado el por purificacion.alfonso@ardoraformacion.com

No artigo deste mes, o investigador do CSIC Antonio Figueras achéganos os resultados dun estudo desenvolvido nas Rías Altas galegas, centrado na distribución de seis especies de bivalvos comerciais. A investigación, baseada en máis de 3.000 mostras recollidas en 51 bancos marisqueiros, identifica os principais factores hidrográficos e sedimentarios que determinan a presenza e rendemento destas especies. As conclusións achegan evidencias útiles para a mellora da xestión marisqueira, destacando o papel dos gradientes de salinidade, o tipo de substrato e a dispoñibilidade de nutrientes.

O estudo completo ofrece tamén ferramentas para anticipar o impacto do cambio climático sobre os ecosistemas intermareais e a súa produtividade.

Podes acceder ao artigo aquí.

A receita do mes: xarda con allo branco de mexillóns

Publicado el por purificacion.alfonso@ardoraformacion.com

O cociñeiro Marcos Arufe, do Espazo Remollo de Ames, preséntanos unha receita de xarda semicurada con allobranco de mexillóns, que formou parte da cata pescadeRías de onde se non? no Fórum Gastronómico de Galicia.

A elaboración combina lombos de xarda curados e mariñados nunha mestura de mel, salsa tamari e kimchee, cunha crema fría feita con améndoas, mexillóns, xenxibre, miso branco e pan galego. O peixe sérvese sobre o allobranco e decórase con ceboliña, cebola vermella envinagrada e fíos de chile. Un prato fresco, saboroso e con produto do mar como protagonista, que mestura tradición e creatividade cun resultado equilibrado e cheo de matices.

Podes ver a receita completa aquí.

Volven aos mercados a nécora, o lumbrigante e o polbo capturados en augas galegas

Publicado el por purificacion.alfonso@ardoraformacion.com

Co inicio do mes de xullo, volven aos mercados tres especies moi prezadas e fundamentais para a frota artesanal galega: a nécora (Necora puber), o lumbrigante (Homarus gammarus) e o polbo (Octopus vulgaris). A apertura das súas respectivas vedas permite retomar a súa captura e comercialización, coincidindo coa alta demanda estival.

Tamén acaba de comezar a campaña do boliche nas rías galegas, unha arte tradicional empregada para a pesca da lura (Loligo vulgaris) e outras especies acompañantes. Esta actividade prolongarase ata o 31 de outubro, ofrecendo un produto fresco de proximidade e con garantías de trazabilidade e calidade.

En contraposición, outras especies entraron en veda. A centola (Maja brachydactyla), protagonista da tempada outono-inverno, iniciou a súa veda no mes de xuño e non volverá aos mercados ata novembro. Así mesmo, o vindeiro 21 de xullo comezará a veda do choco (Sepia officinalis) nas rías de Vigo e Pontevedra, que se estenderá ata o 31 de outubro.

Este calendario de vedas e campañas busca garantir un equilibrio entre actividade extractiva e conservación mariña que permita respectar os ciclos naturais das especies e promover un consumo responsable.

Galicia sabe a origen

Publicado el por purificacion.alfonso@ardoraformacion.com

El 28 de mayo se celebró en Madrid la primera jornada del ciclo “Galicia sabe a origen”, impulsado por las consellerías de Medio Rural y do Mar, con el apoyo de MOM Culinary Institute y el restaurante Bancal.

La iniciativa tiene como finalidad la puesta en valor de los productos gallegos, mediante la participación de cocineros gallegos de reconocido prestigio. La jornada contó con el chef ejecutivo del restaurante Bancal, Miguel Vidal, y promovió la calidad de los alimentos del mar en un formato divulgativo y experimental. Entre los productos destacados se encontraban pescados y mariscos certificados por la marca pescadeRías de onde se non?, presentes como embajadores del origen, frescura y compromiso con la pesca artesanal.

SALIMAT

Publicado el por purificacion.alfonso@ardoraformacion.com

Del 5 al 8 de junio, la marca pescadeRías de onde se non? participó en la 28ª edición del Salón de Alimentación del Atlántico (Salimat Abanca), en Silleda. La Consellería do Mar dispuso de un stand institucional con sala de catas, donde se promocionaron productos del mar gallegos.

El jueves 5 y el sábado 7 de junio se celebraron catas de pescado y marisco certificado. Participaron seis empresas expositoras, entre ellas Insuapesca S.L., certificada por la marca pescadeRías de onde se non?

Este evento representa una oportunidad para reforzar la visibilidad de la pesca artesanal, difundir su calidad y fomentar su consumo mediante experiencias culinarias directas con el público.