Formación sobre la marca en el CIFP Manuel Antonio de Vigo

El próximo 6 de noviembre, el equipo de gestión de pescadeRías de onde se non? impartirá una charla-taller en el CIFP Manuel Antonio de Vigo, dirigida al alumnado de Dirección de Cocina y Comercialización de Productos Alimentarios.

La sesión tendrá un enfoque práctico para acercar a los futuros profesionales de la hostelería y de la comercialización alimentaria el valor de la pesca artesanal gallega y de sus productos.

Hablaremos de la marca, de etiquetado y trazabilidad, de seguridad alimentaria y de las herramientas digitales para conocer los productos del mar. También aprenderán a identificar moluscos bivalvos, consultar las tallas mínimas y reconocer los indicadores de frescura del pescado.

Formación sobre a marca no CIFP Manuel Antonio de Vigo

O vindeiro 6 de novembro, o equipo de xestión de pescadeRías de onde se non? impartirá unha charla-obradoiro no CIFP Manuel Antonio de Vigo, dirixida ao alumnado de Dirección de Cociña e Comercialización de Produtos Alimentarios.

A sesión terá un enfoque práctico para achegar aos futuros profesionais da hostalaría e da comercialización alimentaria o valor da pesca artesanal galega e dos seus produtos.

Falaremos da marca, do etiquetado e da trazabilidade, da seguridade alimentaria e das ferramentas dixitais para coñecer os produtos do mar. Tamén aprenderán a identificar moluscos bivalvos, consultar os tamaños mínimos e recoñecer os indicadores de frescura do peixe.

Charla no Obradoiro de Hostalaría de Moaña

O pasado 30 de xullo tivo lugar unha nova acción formativa sobre a pesca artesanal galega no marco do Obradoiro Labora Hostalaría de Moaña. A charla «A marca da pesca artesanal de Galicia: pescadeRías de onde se non?» achegou ao alumnado das especialidades de cociña e sala os principios, valores e requisitos que definen a marca, así como a súa función como garantía de orixe, calidade e pesca responsable.

A actividade incluíu unha parte práctica de recoñecemento de especies comerciais e dos seus tamaños mínimos de comercialización, aspecto clave para unha cociña profesional comprometida coa sustentabilidade e co respecto ás normas vixentes.

Visitamos o Obradoiro de Emprego Vigo Capacita X

O pasado 20 de xuño impartiuse unha acción formativa ao alumnado do Obradoiro de Emprego Vigo Capacita X, das especialidades de Operacións Básicas de Restaurante e Cociña. O obxectivo foi achegar a marca pescadeRías de onde se non? aos futuros profesionais da hostalaría, dando a coñecer os seus valores, requisitos e a importancia da trazabilidade nos produtos do mar.

A sesión abordou os criterios da marca e a súa relevancia na pesca artesanal e no consumo responsable. Na parte práctica, realizouse un obradoiro de identificación de moluscos bivalvos que incluíu seguimento da trazabilidade dos produtos da pesca artesanal a través do código QR das etiquetas.

Accións de divulgación no Obradoiro de Hostalaría do Salnés

O alumnado de cociña e sala do obradoiro de Hostalaría do Salnés XVI do Concello de Sanxenxo participou nunha xornada formativa centrada nos produtos da pesca artesanal, o pasado 18 de febreiro.

Visitamos a Praza de Abastos de Portonovo. Durante a visita, o alumnado tivo a oportunidade de identificar distintas especies de interese comercial, analizar as etiquetas dos produtos do mar para comprender mellor a súa información e descubrir a oferta específica da praza de abastos de Portonovo. Esta actividade permitiu aos futuros profesionais do sector da hostalaría coñecer de preto a variedade e calidade dos peixes e mariscos que se comercializan neste mercado, así como afondar nos criterios de sustentabilidade e trazabilidade que rexen a súa comercialización. 

A continuación, tivo lugar unha sesión formativa sobre a marca pescadeRías de onde se non?, onde nos achegamos ás tallas mínimas de peixes e mariscos, e á identificación de moluscos bivalvos, aspectos fundamentais para garantir a explotación e consumo responsable dos recursos mariños. 

Foi unha experiencia enriquecedora que permitiu conectar a teoría coa práctica e valorar o traballo das persoas que forman parte da cadea mar-industria.

Podes ver un vídeo resumo da xornada aquí.

Actividades nas prazas de abastos

En novembro realizamos actividades de dinamización e promoción do consumo de produtos da pesca artesanal galega na praza de abastos de Marín e na praza provisional de Ourense. Máis de 45 persoas participaron nestas iniciativas, que incluíron visitas guiadas aos postos de peixes e mariscos, onde os profesionais explicaron o seu labor diario e ofreceron información sobre a orixe dos produtos á venda.

En cada localización, organizamos obradoiros relacionados cos produtos da pesca artesanal: en Marín, sobre tamaños mínimos, e en Ourense, outro enfocado na identificación de moluscos bivalvos. As actividades completáronse con sesións de cociña en directo e degustación. En Marín, Alberto Carou, do restaurante Curral do Marqués, liderou as elaboracións, mentres que en Ourense foi Begoña Vázquez, do restaurante Regueiro da Cova, quen preparou receitas co mellor do mar.

Charla-coloquio sobre consumo responsable

O pasado 19 de novembro presentamos a marca pescadeRías de onde se non? á Asociación Provincial de Amas de Casa, Consumidores e Usuarios no Sporting Club Casino da Coruña.

Contamos cun público interesado e participativo, co que falamos das características dos produtos da pesca artesanal galega, frescura, etiquetado de produtos do mar, trazabilidade e boas prácticas de consumo.

Ademais da presentación cun formato charla-coloquio, impartimos un obradoiro de identificación de moluscos, no que as participantes puxeron a proba os seus coñecementos e fixeron gala da súa experiencia como consumidoras de produtos do mar de proximidade.

A receita do mes

Este mes a receita da nosa sección é unha elaboración mar e montaña apta para persoas vexetarianas. Si, vexetariana e con produtos do mar, porque un dos ingredientes protagonistas, que lle imprime o carácter mariño, é a alga wakame (Undaria pinnatifida).

Esta elaboración foi unha das favoritas do público asistente ao Obradoiro de cociña con Algas e Mariscos organizado pola OPP20 Illa de Arousa. O Obradoiro foi impartido por Mariví Otero, cociñeira do Chiringuito Coco Bao da Illa de Arousa, quen nos proporcionou esta receita de pani puris recheos de bechamel de alga wakame e cogomelos portobello.

Podes ver a receita completa aquí.

Taller de pescadería de Marín

El equipo técnico de la marca pescadeRías de onde se non? impartió una charla sobre la marca en el taller de pescadería y elaboración de productos de la pesca y acuicultura organizada por el Ayuntamiento de Marín en el Espacio Emprendedor Parque Azul.

El alumnado del taller trabajó aspectos como diferenciación de especies, el etiquetado de productos del mar, origen, frescura, trazabilidad y sostenibilidad ligados a la marca.

Obradoiro de peixería de Marín

O equipo técnico da marca pescadeRías de onde se non? impartiu unha charla sobre a marca no obradoiro de peixería e elaboración de produtos da pesca e acuicultura organizado polo Concello de Marín no Espazo Emprendedor Parque Azul.

O alumnado do obradoiro traballou aspectos como diferenciación de especies, o etiquetado de produtos do mar, orixe, frescura, trazabilidade e sustentabilidade ligados á marca.