O equipo de pescadeRías de onde se non? desenvolveu o pasado mes unha sesión formativa co equipo de Mariscos Islas Cíes S.L., nas súas instalacións en Domaio.
A formación centrouse en aspectos clave relacionados coa hixiene alimentaria e a correcta manipulación dos produtos pesqueiros, co obxectivo de reforzar os estándares de calidade e seguridade ao longo de toda a cadea de valor.
Durante a xornada abordáronse as boas prácticas no manexo, conservación e preparación do produto, así como a importancia da trazabilidade e do cumprimento da normativa vixente.
Con este tipo de accións, a marca continúa a traballar para garantir a excelencia, a seguridade alimentaria e o bo facer no sector.
No mes de marzo realizáronse auditorías de seguimento e recertificación a varias entidades certificadas pola marca.
En canto ás auditorías de seguimento, tiveron lugar en Conservas Portomar S.L., como empresa transformadora de bivalvos, equinodermos e peixe; e en Orixe da Ría S.L., como centro de expedición e empresa distribuidora de peixe, cefalópodos, crustáceos, equinodermos e bivalvos.
Pola súa banda, completaron o proceso de recertificación a Confraría de Pescadores da Pobra do Caramiñal, no ámbito da primeira venda de bivalvos, crustáceos, cefalópodos e peixes, e Fish Factory S.L., como empresa distribuidora de conserva de bivalvos e peixe, que comercializa os seus produtos baixo a marca La Curiosa.
O cambio de tempada vén marcado por aperturas e peches de campañas nas nosas rías.
A volandeira (Aequipecten opercularis) despediuse dos mercados o 31 de marzo na Ría de Arousa cunha campaña destacada: 423.801 quilos e 1.822.770 euros de facturación. Na mesma data pechou tamén o lumbrigante (Homarus gammarus), con 12.844 quilos e 536.868 euros.
O 1 de abril abriu a campaña da lagosta (Palinurus elephas), mentres que en marzo comezou a extracción de vieira (Pecten maximus) na Ría de Vigo, con oito embarcacións das confrarías de Cangas e Redondela, e un obxectivo de 7.500 quilos. A súa transformación realízase en Porto de Cambados S.L. con todas as garantías sanitarias.
A entidade do mes é Majeja Mariscos S.L, empresa situada en Sanxenxo, que obtivo o selo pescadeRías de onde se non? en 2023. A súa certificación abrangue as actividades de depuradora, cetárea, axente distribuidor e transformador, cun alcance que inclúe peixes, cefalópodos, bivalvos e crustáceos.
A súa actividade baséase na selección rigorosa de materias primas, e a aposta por produtos frescos procedentes das principais lonxas de Galicia. A presenza diaria nestes puntos de venda permítelle escoller exemplares de máxima calidade, capturados con artes tradicionais.
Na actualidade, a empresa centra a súa actividade no canal da restauración, e ofrece un servizo adaptado ás necesidades dos seus clientes, aos que garante un produto fresco, trazable e de alta calidade.
A especie do mes é o peixe sapo (Lophius budegassa), tamén coñecido como rape negro, un peixe característico das nosas rías e moi valorado na gastronomía galega.
Trátase dunha especie demersal que vive semienterrada en fondos de area e lama, entre os 20 e os 500 metros de profundidade.
Destaca pola súa cabeza grande e boca ampla, así como pola súa capacidade de atraer presas mediante un apéndice que emprega como cebo. Aliméntase principalmente de peixes e cefalópodos.
A súa carne branca, firme e de gran calidade nutricional, rica en proteínas e baixa en graxas, convérteo nun produto moi apreciado no mercado e na cociña.
No artigo deste mes, Luis Taboada Antelo, investigador do Instituto de Investigacións Mariñas (IIM-CSIC), e Fabián Ben Conde, da Federación Nacional de Confrarías de Pescadores, presentan os avances do proxecto PERIZIA, centrado na conservación e explotación sostible do ourizo en Galicia.
O traballo analiza a situación deste recurso e expón a aplicación de tecnoloxías innovadoras que permiten obter datos obxectivos sobre as poboacións co fin de mellorar a toma de decisións na súa xestión.
O resultado evidencia a utilidade destas ferramentas para xerar información precisa e aplicable, e senta as bases dunha xestión máis eficiente, transparente e baseada en datos.
A vieira galega convértese na protagonista desta proposta gastronómica asinada polo cociñeiro Marcos Arufe, de Espazo Remollo. Unha receita que aposta polo produto e pola súa esencia, combinado con elaboracións sutís que realzan o seu sabor sen enmascaralo. A manteiga de améndoas achega cremosidade e suavidade, mentres que a vinagreta de pistacho incorpora matices frescos e lixeiramente ácidos, e fan que acade un equilibrio perfecto no prato.
Esta creación formou parte do showcooking “Galicia sabe amar, pescadeRías: de proximidade e con selo propio”, celebrado na pasada edición de Gastrónoma Valencia, que puxo en valor a calidade e versatilidade da vieira galega.
A marca supera as 19.300 toneladas certificadas e reforza a súa rede de entidades e presenza nas lonxas galegas
A marca pescadeRías de onde se non? pechou o ano 2025 con resultados históricos que consolidan o seu papel como selo de referencia para o produto do mar galego. Durante o pasado exercicio certificáronse arredor de 19.300 toneladas de peixe e marisco, o que supón un incremento do 27,45 % respecto ao ano anterior e o segundo mellor rexistro desde a súa creación.
Este crecemento reflíctese tamén na estrutura da marca, que conta cunha ampla rede de 541 entidades, das cales 144 están certificadas e 397 adheridas. Este ecosistema inclúe lonxas, distribuidores, centros de depuración e empresas transformadoras, así como comerciantes e restauradores comprometidos coa trazabilidade e a calidade do produto.
No ámbito da comercialización, destacan as lonxas de Ribeira, Portosín, Portonovo e Corcubión como principais puntos de primeira venda certificada, que concentran unha parte significativa do volume total. En canto á tipoloxía de produtos, os peixes continúan a liderar a distribución cun 75,31 %, seguidos dos bivalvos (14,47 %) e dos cefalópodos (5,39 %).
Estas cifras confirman a consolidación da marca como garantía de orixe, frescura e sustentabilidade, o que reforza a diferenciación no mercado dos produtos procedentes da pesca artesanal galega e achega valor a toda a cadea.
La marca supera las 19.300 toneladas certificadas, crece un 27 % en un año y refuerza su red de entidades y presencia en las lonjas gallegas.
La marca pescadeRías de onde se non? cerró el año 2025 con resultados históricos que consolidan su papel como sello de referencia para el producto del mar gallego. Durante el pasado ejercicio se certificaron 19.312 toneladas de pescado y marisco, lo que supone un incremento del 27,45 % respecto al año anterior y el segundo mejor registro desde su creación. Estos datos evidencian el creciente reconocimiento de la marca tanto en el sector como entre los consumidores, que valoran cada vez más el origen, la calidad y la sostenibilidad de los productos pesqueros.
El crecimiento también se refleja en la estructura de la propia marca, que cuenta ya con una red de 541 entidades integradas en la cadena de valor. De ellas, 144 son entidades certificadas —incluyendo 46 lonjas, 35 distribuidores, 34 centros de expedición y depuración y 29 empresas de transformación—, mientras que 397 corresponden a agentes adheridos, como comerciantes, tiendas online y restauradores que apuestan por el uso responsable y la promoción del producto certificado.
En el ámbito de la primera venta, destacan como principales puntos de comercialización certificada las lonjas de Ribeira, con más de 4,3 millones de kilos (22,40 % del total), y Portosín, con más de 3,6 millones de kilos (18,67 %). Les siguen Portonovo, con 1,75 millones de kilos (9,07 %), y Corcubión, con 1,68 millones (8,74 %).
En cuanto a la tipología de productos, los pescados continúan siendo el grupo biológico predominante, al representar el 75,31 %del total comercializado bajo el sello. A continuación, se sitúan los bivalvos (14,47 %) y los cefalópodos (5,39 %). Otros grupos con menor presencia son los equinodermos, crustáceos y algas.
Estas cifras confirman la consolidación de la marca como sello de identidad y calidad del producto artesanal y sostenible de Galicia. La marca pescadeRías de onde se non? continúa así reforzando su presencia en el mercado y contribuyendo a la valorización de la pesca artesanal, al tiempo que impulsa un modelo basado en la trazabilidad, la proximidad y el respeto por los recursos marinos.
A marca supera as 19.300 toneladas certificadas, medra un 27 % nun ano e reforza a súa rede de entidades e presenza nas lonxas galegas.
A marca pescadeRías de onde se non? pechou o ano 2025 con resultados históricos que consolidan o seu papel como selo de referencia para o produto do mar galego. Durante o pasado exercicio certificáronse 19.312 toneladas de peixe e marisco, o que supón un incremento do 27,45 % respecto ao ano anterior e o segundo mellor rexistro desde a súa creación. Estes datos evidencian o crecente recoñecemento da marca tanto no sector como entre os consumidores, que valoran cada vez máis a orixe, a calidade e a sustentabilidade dos produtos pesqueiros.
O crecemento tamén se reflicte na estrutura da propia marca, que conta xa cunha rede de 541 entidades integradas na cadea de valor. Delas, 144 son entidades certificadas —incluíndo 46 lonxas, 35 distribuidores, 34 centros de expedición e depuración e 29 empresas de transformación—, mentres que 397 corresponden a axentes adheridos, como comerciantes, tendas en liña e restauradores que apostan polo uso responsable e a promoción do produto certificado.
No ámbito da primeira venda, destacan como principais puntos de comercialización certificada as lonxas de Ribeira, con máis de 4,3 millóns de quilos (22,40 % do total), e Portosín, con máis de 3,6 millóns de quilos (18,67 %). Séguenlles Portonovo, con 1,75 millóns de quilos (9,07 %), e Corcubión, con 1,68 millóns (8,74%).
En canto á tipoloxía de produtos, os peixes continúan a ser o grupo biolóxico predominante, ao representar o 75,31 % do total comercializado baixo o selo. A continuación sitúanse os bivalvos (14,47 %) e os cefalópodos (5,39 %). Outros grupos con menor presenza son os equinodermos, crustáceos e algas.
Estas cifras confirman a consolidación da marca como selo de identidade e calidade do produto artesanal e sostible de Galicia. A marca pescadeRías de onde se non? continúa así a reforzar a súa presenza no mercado e a contribuír á valorización da pesca artesanal, ao tempo que impulsa un modelo baseado na trazabilidade, na proximidade e no respecto polos recursos mariños.
