Entre as novidades destaca a limitación da pesca accesoria, medida que supón un avance relevante na protección do recurso. Mantense o peso mínimo de captura en 1 quilo por peza e establécense cotas diferenciadas ao longo da campaña para evitar a saturación do mercado.
Así, entre xullo e agosto o tope será menor, e incrementarase a partir de setembro. Ademais, fíxanse horarios de actividade regulados e mantense a veda previa como elemento clave de xestión.
O pasado 30 de abril rematou a campaña do ourizo na confrarías con plan de xestión ou integradas en plans conxuntos.
Durante a campaña capturáronse 434 Tm desta especie. A Confraría de Carreira e Aguiño, co 10,48% do volume comercializado, liderou a primeira venda. A continuación, entre o 8-9% do volume de primeira venda sitúanse as lonxas de Lira, Baiona e Malpica.
Pola súa banda, o polbo iniciou o seu período de paro biolóxico, que se estenderá ata o 1 de xullo, para favorecer a explotación responsable da especie.
En paralelo, prevese a apertura da campaña da zamburiña na ría de Ferrol durante a primeira quincena de maio, condicionada aos resultados das análises de toxicidade.
A Consellería do Mar aprobou un novo baremo para a obtención do permiso de explotación para o marisqueo a pé, co obxectivo de mellorar a valoración das solicitudes e reducir os empates que obrigaban a resolver mediante sorteo.
O novo sistema introduce cambios na ponderación da formación, a experiencia profesional e o empadroamento, e reforza criterios vinculados á capacitación e ao coñecemento do sector. Ademais, recoñécense novas actividades formativas como mérito.
Esta actualización, que substitúe ao baremo vixente desde 2013, busca facer o proceso máis obxectivo e adaptado á realidade actual do marisqueo en Galicia.
A especie do mes é a navalla (Ensis magnus), un molusco bivalvo moi apreciado na gastronomía galega pola súa textura e sabor delicado. Caracterízase pola súa cuncha alongada e arqueada, que lembra á forma dunha navalla.
Habita enterrada en fondos de area e grava, en zonas intermareais e infralitorais, onde se captura habitualmente a mergullo. Trátase dun organismo rico en proteínas, vitaminas e minerais, cun baixo contido en graxas.
A navalla destaca tamén pola súa versatilidade na cociña, sendo á prancha unha das preparacións máis populares, aínda que admite múltiples elaboracións que realzan o seu carácter mariño.
A Confraría de Pescadores do Porto do Son conta coa certificación da marca pescadeRías de onde se non? desde 2021 para a comercialización en primeira venda de cefalópodos, bivalvos, peixes, crustáceos e equinodermos.
Durante o ano 2025, a súa lonxa acadou un volume de comercialización de 1.173.494 quilos, cun valor total de 1.648.813 euros.
A maior parte das vendas corresponderon a peixes, seguidos de crustáceos, cefalópodos e equinodermos. Neste contexto, o peixe azul destaca como principal recurso, cun peso moi significativo de especies como o xurelo, o bocarte e a sardiña, que representan o 90 % do volume total comercializado.
Este ano a confraría comezou a etiquetaxe individual para os peixes de maior tamaño.
O artigo do mes presenta a iniciativa da Rede Galega de Escolas Azuis (RGEA), unha alianza que conecta os ecosistemas acuáticos coas novas xeracións a través da educación. O texto está asinado por Andreu Blanco, en colaboración coas entidades que integran a rede.
Impulsada polo proxecto NEREIDA e coordinada polo Centro de Investigación Mariña da Universidade de Vigo, a RGEA reúne institucións científicas e axentes do sector para achegar o mar, os ríos e a súa cultura ao alumnado.
A rede, aberta a novas colaboracións, promove a participación do sector pesqueiro na formación, fortalecendo o vínculo entre coñecemento, territorio e sustentabilidade.
Para ler o artigo e coñecer como podes colaborar coa RGEA, preme aquí.
O cociñeiro Ángel Parada, colaborador de Espazo Remollo, presentou esta proposta culinaria na aula de catas do Salón Gourmets 2026: navalla con miso de albariño e maionesa de alga codium.
Trátase dunha receita delicada na que as navallas son as protagonistas, acompañadas por unha velouté de albariño e miso, e unha maionesa de codium. Estes ingredientes achegan equilibrio, profundidade e matices, de xeito que realzan o sabor do produto sen enmascaralo. A proposta destaca pola súa coidada execución e polo respecto ao produto, ao combinar técnica culinaria e creatividade cun enfoque contemporáneo.
Un prato que pon en valor o potencial gastronómico deste produto.
A marca pescadeRías de onde se non? vén de lanzar a primeira dunha serie de pílulas formativas dirixidas ao persoal das entidades usuarias, co obxectivo de reforzar os coñecementos en ámbitos clave como a seguridade alimentaria, a trazabilidade, a manipulación e hixiene, os envases, a xestión de residuos e a lexislación vixente.
Esta nova liña de materiais divulgativos preséntase en formato visual e accesible, facilitando a súa aplicación práctica no traballo diario ao longo de toda a cadea de valor.
A primeira pílula, en formato infografía, está centrada no anisakis. Inclúe información sobre que é, as patoloxías asociadas, a súa presenza nos peixes, o ciclo de vida e as principais medidas de control, tanto a bordo como en terra e nos puntos de venda, así como métodos de inactivación e recomendacións para as persoas consumidoras.
Seguirá habiendo disponibilidad en el mercado de pulpo gallego en conserva, congelado y pasteurizado, con total garantía de origen, certificado por la marca pescadeRías de onde se non?
La actual campaña del pulpo en Galicia llegará a su fin a las 23:59 horas del próximo 1 de mayo, momento en el que comenzará la veda biológica de dos meses destinada a favorecer la reproducción de la especie y garantizar su sostenibilidad. Este periodo se prolongará durante mayo y junio, hasta las 05:00 horas del 1 de julio, cuando dará comienzo una nueva campaña extractiva.
Durante la veda queda prohibida cualquier actividad relacionada con la captura y comercialización de pulpo fresco: no se podrá pescar, transportar, almacenar ni vender este producto, y las embarcaciones deberán retirar las nasas del mar. Se trata de una medida clave para preservar el recurso y asegurar el futuro de una de las especies más emblemáticas de la pesca artesanal gallega.
A pesar de la parada biológica, durante estos dos meses seguirá habiendo pulpo gallego en el mercado, tanto en formato congelado como pasteurizado y en conserva, certificado por la marca pescadeRías de onde se non?, con todas las garantías de origen y trazabilidad.
En el ámbito de las conservas, las marcas Mariscadora y Lago Paganini tienen en el mercado distintas elaboraciones a base de pulpo gallego. En cuanto al producto pasteurizado, puede encontrarse a través de empresas como Frigoríficos Rosa de los Vientos, Peixoto y O Percebeiro. Además, numerosas empresas transformadoras e distribuidoras certificadas por la marca pescadeRías —entre ellas Frigoríficos Rosa de los Vientos, Frigoríficos de Camariñas, Frigoríficos Moldes, Pulponor, Susión e Hijos, Peixoto, O Percebeiro, Artesa y Porto de Cambados— garantizan la disponibilidad de pulpo gallego congelado.
Seguirá habendo dispoñibilidade no mercado de polbo galego en conserva, conxelado e pasteurizado, con total garantía de orixe, certificado pola marca pescadeRías de onde se non?
A actual campaña do polbo en Galicia chegará ao seu fin ás 23:59 horas do vindeiro 1 de maio, momento no que comezará a veda biolóxica de dous meses destinada a favorecer a reprodución da especie e garantir a súa sustentabilidade. Este período prolongarase durante maio e xuño, ata as 05:00 horas do 1 de xullo, cando dará comezo unha nova campaña extractiva.
Durante a veda queda prohibida calquera actividade relacionada coa captura e comercialización de polbo fresco: non se poderá pescar, transportar, almacenar nin vender este produto, e as embarcacións deberán retirar as nasas do mar. Trátase dunha medida clave para preservar o recurso e asegurar o futuro dunha das especies máis emblemáticas da pesca artesanal galega.
A pesar da parada biolóxica, durante estes dous meses seguirá habendo polbo galego no mercado, tanto en formato conxelado como pasteurizado e en conserva, certificado pola marca pescadeRías de onde se non?, con todas as garantías de orixe e trazabilidade.
No ámbito das conservas, as marcas Mariscadora e Lago Paganini teñen no mercado distintas elaboracións de polbo galego. En canto ao produto pasteurizado, pode atoparse a través de empresas como Frigoríficos Rosa de los Vientos, Peixoto e O Percebeiro. Ademais, numerosas empresas transformadoras e distribuidoras certificadas pola marca pescadeRías —entre elas Frigoríficos Rosa de los Vientos, Frigoríficos de Camariñas, Frigoríficos Moldes, Pulponor, Susión e Hijos, Peixoto, O Percebeiro, Artesa e Porto de Cambados— garanten a dispoñibilidade de polbo galego conxelado.
